Tecnalia

Helsinkin egin zen 2025eko Iktusaren Europako Erakundearen (ESOC) 11. Biltzarra. Gaixotasun zerebrobaskularrak dituzten pazienteen ikerketan eta zainketa klinikoan dauden aurrerapenenei buruzko Europako foro nagusia da.

Mundu osoko adituak bildu ziren ekitaldian, azken aurkikuntzak partekatzeko eta iktusaren prebentzioaren, tratamenduaren, diagnostikoaren eta errehabilitazioaren alorreko estrategia berritzaileak eztabaidatzeko.

Programa zientifikoa eta nazioarteko lankidetza

ESOC 2025en programa zientifikoak saiakuntza kliniko garrantzitsuak, tailer interaktiboak eta eztabaida aberasgarriak barne hartu zituen, guztiak ere hainbat diziplina eta herrialdetako profesionalak konektatzeko diseinatuak. Konferentziak plataforma paregabea eskaini zuen ezagutzak trukatzeko eta ikertzaileen, klinikoen eta osasungintzako beste profesional batzuen arteko lankidetzarako.

Ander Ramosen parte-hartzea

Ander Ramos lankideak ESOC 2025en parte hartu zuen. Anderrek hitzaldi bat eman zuen: The Role of Brain Interfaces in Stroke Recovery.

Iktusaren ondorengo errehabilitaziorako garun-makina interfazeetan egin zuen lan aitzindariak abiapuntu gisa balio izan zuen.

Azken hamarkadan praktika klinikora eramateko teknologian eta neurozientzian egindako aurrerapenak aurkeztu zituen.

Etorkizuneko aukerak eta aurrerapen teknologikoak

Aurkezpenean, Anderrek etorkizuneko ikuspegia ere eskaini zuen, merkatura transferitzeari, teknologia ezargarriaren miniaturizazioari, etxerako teknologia erabilerrazari eta beste interfaze batzuen erabilerari dagokienez (adibidez, nanoagenteena). Abangoardiako ikerketarekiko duen dedikazioa eta konpromisoa agerian gelditu ziren bere aurkezpenean eta beste aditu batzuekin izandako eztabaidetan.

Eragina eta ekarpena komunitate zientifikoari

Ander Ramosek ESOC 2025en parte hartu izanak eremu honetan duen lidergoa nabarmentzen du, eta pazienteen bizi-kalitatea hobetu dezaketen aurkikuntza aitzindariak hedatzen laguntzen du.