2mai.
Berria
Saiakuntza dinamikoak egiten dizkiegu material konposatuei gure laborategietan
Gobernuek informazioa izango dute hiria eta herritarrak prestatzeko, babesteko eta jakinaren gainean jartzeko
Vizzualityrekin batera, Thermal Assesment Tool izeneko prototipoa garatu dugu: panel erabilerraz baten bidez, erabiltzaileek eskala batzuetako bero-boladekin eta hotz-boladekin erlazionatutako gertaerak ikusi ahal izango dituzte. Hori guztia klimaren datu historikoetan (birranalisia), epe luzeko proiekzioetan eta C3Sren urtaroko pronostikoetan oinarrituta egiten da.
Garapena erakusle bat da, eta Copernicusetik datozen datu klimatikoen bistaratzearen adibide bat. Prozesuan, erakunde publiko batzuetako klima-aldaketaren alorrekin lan egin da, prototipoa martxan egon aurretik ikusteko ea erabilgarria den klima-aldaketara moldatzeko politikak eta planak kudeatzeko.
Prototipoaren helburua Espainiako konfort termikoa ebaluatzea da. Ebaluazioa eskualde, probintzia eta udalerri mailan egiten du, Klima Aldaketaren Copernicus Zerbitzuaren (C3S) datuen bidez, zeinak haren Climate Data Store (CDS) biltegian baitaude eskuragarri.
Muturreko tenperaturak
Klima-aldaketak muturreko fenomeno meteorologikoen kopurua eta intentsitatea handitzea eragin dezake; hau da, bero-bolada eta hotz-bolada gehiago gertatzea eragin dezake. Muturreko tenperaturak dauden egunetan, estres termikoak eragindako arazoak izan ditzakegu. Halakoak gutxitzeko edo arintzeko, muturreko tenperaturak izateko arriskuari buruzko informazioa behar dute gobernuek, hiriak eta herritarrak prestatzeko, babesteko eta jakinaren gainean jartzeko.
Informazio gehiago
- Thermal Assessment Tool ekimenari buruz
- Joan tresnaren erakuslera
- Deskargatu Thermal Assessment Tool ekimenari buruzko liburuxka
Ekimen honen esparrua C3Srekiko kontratu bat da. Epe Ertaineko Iragarpen Meteorologikoen Europako Zentroak (ECMWF) Europako Batzordearen ordezkari gisa ezarri duen Europar Batasunaren Copernicus programaren sei zerbitzuetako bat da CS3.
