14uztaila
Berria
TECNALIAk eta Ermuko Udalak Santa Ana auzoaren biziberritzea bultzatuko dute
Trengintzaren alorreko balio-kate osoko 49 enpresaz osatutako ekimen pribatua da
Trengintzaren sektorean nazioartean teknologia eta ezagutza bultzatzeko sortu da Railway Innovation Hub. Askotariko ekintzen bidez egingo du hori: elkarlaneko I+Gko proiektuak sortu, teknologia eta know-howa merkaturatu, ekintzailetza eta zerbitzu espezializatuak ematea sustatu, eta trengintzako berrikuntzan munduko erreferentzia izan. Malagan du egoitza, Andaluziako Parke Teknologikoan.
Ekimen pribatu hau 49 enpresak osatzen dute. Trenbide-sektoreko balio-kate osokoak dira; besteak beste, Alstom, Bombardier, Siemens, Ferrovial, Indra eta Talgo.
Joan den apiriletik, gu ere bazkide gara; hain zuzen, Ikerketa eta Garapen Teknologikoko lehen zentroa gara. Enpresen eta gure gizartearen garapen zientifikoari eta teknologikoari laguntzea da gure xedea. Enpresekin dugun harreman-mota haien berrikuntza teknologikoaren mailaren araberakoa da. Enpresa bakoitzaren beharretara egokitzen gara.
Batetik, laborategi-zerbitzuak ematen ditugu: TECNALIAko adituek ziurtatu eta balidatu egiten dituzte merkatura doazen prozesuak eta sistemak. Horrez gain, I+G+Bko proiektu pertsonalizatuak egiten ditugu, teknologia erabiliz negozioetan inpaktua eragiteko.
TECNALIA Venturesen bidez, konektatu egiten ditugu enpresak eta teknologia merkaturatzeko hiru oinarri nagusiak: negozioa sortzera bideratutako ideiak eta aktibo teknologikoak, negozio-profila duten eta ideia horiek soluzio bihurtzen dituzten pertsonak eta garapen horien alde egiten duten inbertitzaileak.
Garraio jasangarria eta informazio-sistemak
Garraio jasangarrian espezializatuak gaude, eta, zehazki, trengintzaren sektorean. Elementu gurpildunetarako teknologia eta prozesu berritzaileak lantzen ditugu material aurreratu eta arinekin; suaren aurkako soluzioak garatzen ditugu (suteen laborategia eta RTM ateak), eta trengintzako langileentzat, baditugu, besteak beste, ikuskaritza-zerbitzuak eta kudeaketa-laguntza, azpiegituretako eragiketak eta segurtasun- eta zibersegurtasun-zerbitzuak.
Halaber, informazio-sistemak, tickeking-a eta beste sistema berritzaile batzuk garatzen ditugu bidaiarientzat, gailu mugikor adimendunetarako, haien esperientzia hobea izan dadin.
Ikusi zer zerbitzu tekniko ditugun trengintzaren sektorerako:
