Sektore aeroespazialak pisua eta bolumena murriztea eta prozesuak pertsonalizatzea du helburu

Inprimaketa funtzionalean, material funtzionalak jalkitzen dira oinarri batean (papera, plastikoa edo konpositeak), amaierako piezak beste funtzio batzuk izan ditzan. Hauek dira teknikarik erabilienak: ink-jet inprimaketa, serigrafia, flexografia eta mikrodispentsatzea.

Teknologia horiek hainbat onura dakarzkiote industriari: pisua eta bolumena murriztea, produktuak digitalizatzea eta pertsonalizazio-prozesuak malgutzea: piezen balioa handitzen dute prozesu erraz eta pertsonalizagarriekin.

LOPEC azokan, zenbait nobedade aurkeztuko ditugu, hala nola 3Dko piezak LEDak dituzten konpositeetan eta epoxi erretxinan integratutako ukipen-sentsoreak, ijezketaren fabrikazio-prozesua aldatu gabe: in situ polimerizazioa, infiltrazioa, aurreinpregnazioa, etab.

Sektore aeroespazialak pisua eta bolumena murriztea eta prozesuak pertsonalizatzea du helburu. Gure garapenetan, ijezketa-prozesua aldatu beharrik ez dago, ohiko ijezketa batean gertatzen baita inprimaketa. Ez da aldatzen bukatutako zatian txertatzeko prozesua.

Halaber, 3Dn inprimatutako plastikozko piezak ere izango ditugu, gainazalean zenbait funtzionalitate zuzenean gehituak dituztenak, hala nola detekzioa eta kableatua. Hainbat geruza eroale, detekzio-geruza eta geruza dielektriko dituzten 3D piezak geometria konplexu askotan zuzenean inprimatzeko prozesuak garatu ditugu.

FERIA LOPEC - TECNALIA STAND-A, 610. ZK.