"Ziurtatzen dugu soldatze-prozesu aurreratuak aplikatzen direla, hainbat materialen soldagarritasuna eta nazioarteko araudiak betetzen direla hala nola EN ISO 3834, EN 15085 eta EN 1090"
Buru gara sektore estrategikoetarako soldadura-koordinazioko zerbitzuetan
Nazioarteko araudiak: EN ISO 3834, EN 15085 eta EN 1090
Industriaren mundu lehiakorrean, soldatutako loturen kalitatea funtsezkoa da produktuen osotasuna eta iraunkortasuna bermatzeko. TECNALIAk soldadura-koordinazioko zerbitzuak eskaintzen ditu, industria-sektoreen erronka zorrotzenei aurre egiteko. Soldadurako nazioarteko ingeniarien talde bat duela (IWE), TECNALIAk ziurtatzen du soldatze-prozesu aurreratuak aplikatzen direla, hainbat materialen soldagarritasuna eta nazioarteko araudiak betetzen direla, hala nola EN ISO 3834, EN 15085 eta EN 1090.
Soldaduraren industriako arazo nagusietako bat loturen kalitatearen aldakortasuna da, egiturazko akatsak eta konponketa-kostu handiak eragin baititzake. Kontrol zorrotzak ezarriz eta soldatze-prozesuak automatizatuz heltzen die erronka horiei TECNALIAk. "Gure ikuspegi integralari esker, soldaduren kalitatea hobetu daiteke, diseinutik hasi eta azken ikuskapenera arte" adierazi du Mario Oyarbidek, TECNALIAko Soldadurako Aholkularitza Teknikoko arduradunak.
Soldadurako araudi eta estandar globalak zorrotz aplikatzea
TECNALIAren soldadura-koordinaziorako zerbitzu integralaren helburua da bermatzea araudiak, efizientzia operatiboa eta kalitatea betetzen direla proiektu bakoitzean.
- ISO 14731 arauaren arabera ziurtatutako gure koordinatzaile-taldeak bitarteko tekniko gisa jarduten du diseinuaren, ekoizpenaren eta kalitate-kontrolaren arloen artean, ziurtatzeko nazioarteko estandarrek (adibidez, EN ISO, ASME, AWS, etab.) eta bezeroaren espezifikazioek ezarritako baldintzak betetzen dituztela soldadura-prozedurek, langileen kualifikazioek eta erabilitako materialek.
- Koordinazio horrek, arriskuak eta adostasun-ezak minimizatzeaz gain, denborak eta baliabideak optimizatzen ditu ekoizpen-kate osoan.
Prestakuntza espezializatua
Kalitatea hobetzeaz gain, TECNALIAk prestakuntza espezializatua eskaintzen die soldadura-prozesuan parte hartzen duten langileei, soldatzaileetatik hasi eta ekoizpen-arduradunetaraino. Prestakuntza hori funtsezkoa da kalitate-estandar altuak izateko eta teknologia berrietara egokitzeko, hala nola arku-soldadurako prozesuak, laser bidezko soldadura, elektroi-sorta bidezko soldadura, etab. "Etengabeko gaikuntza oso garrantzitsua da industriaren egungo eta etorkizuneko erronkei aurre egiteko" gaineratu du Oyarbidek.
Prest dago zure enpresa soldaduraren erronka berriei aurre egiteko?
- Jakin nahi baduzu TECNALIAk nola eralda ditzakeen zure soldadura-prozesuak, gonbidatzen zaitugu gure zerbitzuak esploratzera eta gure adituekin harremanetan jartzera.
- Ezagutu gure zerbitzuak: Soldadura industrialeko aholkularitza teknikoa
