“Soluzioak eskaini ditugu mehatxu digital berrien aurrean zerbitzu kritikoak babesteko Cybersecurity Congress-en”
Soluzio berritzaileak aurkeztu ditugu mehatxu digital berrien aurrean komunikazioak eta zerbitzu kritikoak babesteko.
Babes digitaleko azken aurrerapenak eta erronkak ezagutzera eman ditugu Barcelona Cybersecurity Congressen, zeinak bereziki garrantzitsuak baitira mehatxu berrien aurrean erresilientzia indartu nahi duten ETEentzat eta erakundeentzat.
Kriptografia kuantikoa: egungo gaitasunak eta zibersegurtasunerako erronkak
Aitor Brazaolak hauxe izan zuen solasgai: kriptografia kuantikoa: egungo gaitasunak eta zibersegurtasuneko erronkak.. Bere hizketaldian, aztertu zuen nola ordenagailu kuantikoen etorrera benetako mehatxua den gure komunikazio digitalak babesten dituzten sistema kriptografiko tradizionalentzat.
- Mehatxu horren egungo egoera eta hari aurre egiteko bi estrategia global nagusiak landu ziren: kriptografia postkuantikoa (PQC), NISTek hautatutako estandar berriekin, eta kriptografia kuantikoa, Quantum Key Distribution-i (QKD) arreta berezia eskainiz.
- QKDren funtzionamendua, sistema-motak, haien egungo eta etorkizuneko aplikazioak eta oraindik konpondu beharreko ahultasun teknikoak azaldu ziren.
- Gainera, teknologia hori telekomunikazio-sareetan hedatzearen kasu errealak eta azpiegitura kritikoetan izan dezakeen integrazioa aztertu ziren, eta egungo gaitasunei eta aro kuantikoko zibersegurtasunaren erronkei buruzko ikuspegi argia eman zen.
Tailer praktikoa: erresilientzia ziberfisikoa azpiegitura kritikoetan
Jason Mansell eta Gonzalo Nicolás lankideek "azpiegitura kritikoen erresistentzia ziberfisikoa indartzea" tailerrean parte hartu zuten.
Europako DYNABICekimenaren esparruan garatutako soluzioak aurkeztu zituzten: RISKM4BC, MADT4BC y CTI4BC. Ondoren egin zen hacking session batean, parte-hartzaileek tresna horiek probatu ahal izan zituzten agertoki praktikoetan, eta egiaztatu zuten eraginkorrak direla arriskuak kudeatzeko eta negozioaren jarraitutasuna bermatzeko.
- DYNABIC Europako ekimen bat da, mehatxu ziberfisiko aurreratuen aurrean zerbitzu kritikoen erresilientzia eta jarraitutasuna handitzera bideratua.
- Proiektuak metodo soziotekniko, eredu eta tresna berriak eskaintzen ditu erresilientzia sustatzeko arriskuaren kudeaketa integralaren bidez, jarraitutasun operatiboaren kontrolaren bidez eta erantzunen egokitzapen dinamikoaren bidez (teknologiaren, gizakiaren eta antolakuntzaren arloetan).
Zibersegurtasunarekin eta berrikuntzarekin dugun konpromisoa
TECNALIAk Barcelona Cybersecurity Congress-en parte hartzeak indartu egiten du ikerketa aplikatuan eta zibersegurtasuneko soluzio berritzaileen transferentzian erreferente gisa duen zeregina.
Gure helburua da enpresei, administrazioei eta gizarteari laguntzea teknologia aurreratuak erabiltzen, ingurune digitalaren egungo eta etorkizuneko erronken aurrean babesa eta erresilientzia bermatzeko.
