Erronka klimatikoaren konponbidearen parte izan nahi duzu?
TECNALIAk konpromiso sendoa du ekintza klimatikoarekin, eta zenbait soluzio garatzen dihardu energia iturri berriztagarrietatik sortzeko, energia-kontsumoaren efizientzia optimizatzeko, klimaren portaeraren eta klima-aldaketarekin lotutako fenomenoen eta horiek izan ditzaketen inpaktuen ezagutza hobetzeko eta hobeto egokitutako lurraldeak eta hiriak diseinatzeko.
Lan horretarako, birnaturalizazioa hartzen da egokitze-printzipio gisa, gure segurtasuna eta bizi-kalitatea bermatzeko, zenbait ekimenen bidez: LIFEURBAN KLIMA 2050, NetZero Cities eta naturan oinarritutako egokitzapen eta soluzioetarako zenbait H2020 eta Horizon Europe proiektu.
Ateak irekiko ditugu
Hirugarren aldiz, ASTEKLIMA, Klimaren eta Energiaren Astea, biziko du Euskadik. Eusko Jaurlaritzako Ekonomiaren Garapen, Jasangarritasun eta Ingurumen Sailak sustatzen du ekimena, EEE eta Ihobe erakunde publikoen bidez, eta haren helburua da herritarrak energia- eta klima-trantsizioaren aurrean kontzientziatzea eta mobilizatzea.
- Derioko instalazioak bisitatzera gonbidatzen zaitugu, non gure laborategi batzuk ikusi eta lantzen ari garen hainbat proiektu ezagutu ahal izango baitituzu.
- Izena eman besterik ez duzu egin behar, eta, erregistro-ordenaren arabera, egun bat esleituko zaizu bisitarako.
- Zurekin harremanetan jarriko gara bisitaren eguna jakinarazteko; irailaren 29a edo 30a izango da.
Klima-aldaketa, XXI. mendeko erronka handienetako bat
Iragarpenen arabera, maila globalean 2 °C inguru igoko da tenperatura mende-amaierarako, eta horrek zenbait ondorio izango ditu sistema naturaletan: edateko urik eza, aldaketak elikagaien produkzioan, eta muturreko gertaerak maizago eta larriagoak izatea, hala nola uholdeak, ekaitzak, lehorteak eta bero-boladak.
Klima-aldaketari aurre egiteko, beraz, lehenbailehen eta erantzukizunez jokatu behar dugu, batetik, berotze globala eragiten duten berotegi-efektuko gasen emisioak nabarmen murrizteko, eta, bestetik, haien ondorioetara egokitzeko, ahalik eta gutxien eragin diezaguten.