2022ko Cluster Egunean parte hartuko dugu, Basque Food Clusterek antolatutako euskal elikaduraren balio-kate osorako erreferentziazko ekitaldi sektorialean
Elkarren arteko sinergiak bilatzen dituzten elikagai-sektoreko enpresen arteko topagunea da Cluster Eguna. Gainera, formatu presentzialean egingo da aurten berriz, eta enpresetako produktuak eta zerbitzuak erakutsiko dira.
Nekazaritzako elikagaien alorrean egin ditugun azken berrikuntzak aurkeztuko ditugu
- Gure standa euskal elikagai-sektoreko berrikuntzen esparruan prestatutako gune batean egongo da. Zenbait arrakasta-kasu azalduko ditugu, neurobabeserako eta proteina-iturri alternatibo berrietarako osagaiak eta elikagaiak lortzearekin lotuak.
- Gainera, xeheago ezagutu ahal izango da zer ezagutza eta teknologia eskaintzen diegun nekazaritzako elikagaien enpresei kontsumitzailearen beharretara egokitutako osagaiak eta elikagai berritzaileak erdiesteko eta dieta pertsonalizatua lortzeko.
Gure standera inguratzen bazara, Arabako Labeldun zereal-irinarekin, kurkumarekin eta jengibrearekin egindako galleta osasungarriak dastatu ahal izango dituzu, baita azukre erantsirik gabeko marmeladak ere, gozagarri gisa Andeetako yacón tuberkuluaren sustraia dutenak. Bi garapenak Bizkarra okindegi eta gozotegiekin batera egin dira.
Zain izango gaituzu!