DS Industry – Decarbonized & Sustainable Industryn izango da TECNALIA; hain zuzen, industria-sektorearen deskarbonizazioa eta jasangarritasuna bultzatzeko nazioarteko World Summit berrian
2026ko azaroaren 3tik 5era, DS - Decarbonized & Sustainable Industry nazioarteko kongresua eta azoka egingo dira Bilbao Exhibition Centren (BEC).
- Bi urtean behingo topaketa horretan, industria-enpresa nagusiak bilduko dira, ezagutza partekatzeko, soluzio teknologikoak aurkezteko eta aliantzak sortzeko, haien bidez industria-eredu jasangarriago eta lehiakorragoetarako trantsizioa bizkortze aldera.
- DS Industryk hiru ardatz nagusiren inguruan egituratuko du bere proposamena: ezagutza, networkinga eta berrikuntza. Horretarako, nazioarteko kongresu batez eta erakusketa-gune zabal batez baliatuko da.
- Gainera, bisitariek enpresetako eta zentroetako instalazioen bisita teknikoak egiteko aukera izango dute.
Industriaren deskarbonizazioa
TECNALIAk, topaketaren bazkide laguntzaile gisa, arlo hauetan egin dituen teknologia-garapen eta -erabilpen nagusiak aurkeztuko ditu: industria-prozesuen deskarbonizazioa, energia-efizientzia, ekonomia zirkularra eta cleantech soluzioak. Horrela, ekarpen aktiboa egingo du industria-trantsizio jasangarriaren erronkei buruzko eztabaidan eta ekintzan.
Zehazki, honako alor hauetako berritasunak aurkeztuko ditu:
- Energia-kontsumoaren deskarbonizazioa eta energia-efizientzia.
- Sare elektrikoen azpiegiturak.
- Erregai berriztagariak
- CO2 atzitzea, erabiltzea et metatzea.
- Urak tratatzeko soluzioak.