Webinar hau interesgarria da hondakinak sortzen dituzten enpresentzat, hondakin arriskutsuak eta ez-arriskutsuak sailkatzeko prozedurarekin eta hondakinok zabortegietan onartzeko betebeharrekin loturiko kontzeptuak argitzen laguntzen baitie.
- Hondakinen sailkapenarekin eta zabortegietan onartzeko betebeharrekin loturiko lege-esparrua aztertuko da.
- Azalduko da zer den hondakin baten karakterizazioa egitea haren arrisku-maila eta zabortegi batean onartzeko betebeharrak zehazteko, eta nabarmenduko dira laginak hartzearekin eta saiakuntza-metodologiekin loturiko zenbait alderdi.
EDUKIA:
- Sarrera eta lege-esparrua
- Hondakin bat arriskutsu edo ez-arriskutsu gisa sailkatzeko prozedura.
- Zabortegian onartzeko oinarrizko karakterizazioa
- Laginak hartzeko eta analisiak egiteko betebeharrak
- Ondorioak
NORENTZAT DEN:
- Galdategiak, industria kimikoak, burdingintzako enpresak, gainazal-tratamenduen enpresak
- Hondakinen kudeatzaileak
- Industria-hondakinak sor edo kudea ditzakeen enpresa-mota oro