Izan aditua korrosio-prozesuetan eta babestu zure aktibo industrialak
Korrosioa erronka tekniko eta ekonomiko nagusietako bat da hainbat sektore industrialetan. Azpiegituren eta osagaien segurtasuna, iraunkortasuna eta efizientzia bermatzeko, funtsezkoa da korrosioaren mekanismoak ulertzea, haren eraginei aurrea hartzea eta soluzio eraginkorrak aplikatzea.
TECNALIAren Korrosio-ingeniaritzako ikastaroa (11. edizioa) materialen korrosioari, korrosioaren aurkako babesari eta aktibo industrialen monitorizazioari lotutako funtsezko ezagutza eskuratzeko diseinatuta dago.
Ikastaro honekin, hainbat ingurune industrialetako korrosio-fenomenoak identifikatzen, aztertzen eta prebenitzen ikasiko duzu.
Korrosio-ingeniaritzako ikastaroan zer ikasiko duzun
Korrosioaren oinarriak
- Metaletako eta materialetako korrosio-mekanismoak
- Korrosioaren inpaktua ingurune batzuetan (itsasoko eta hiriko inguruneetan eta ingurune industrialetan)
- Korrosioa hormigoi armatuan
Korrosioaren erronka berriak trantsizio energetikoan eta industrian
- Korrosioa CO₂-ko inguruneetan: CO2-a bahitzeko, garraiatzeko eta metatzeko (CCS) materialen erronka berriak
- Korrosioa tenperatura altuan: energiari, erregai berriztagarriei eta prozesu industrialei lotutako erronkak
Korrosioaren saiakuntzak eta ebaluazioa
- Korrosioa ikuskatzeko eta diagnostikatzeko metodoak
- Materialen portaera ebaluatzeko laborategiko saiakuntzak
- Korrosio-saiakuntza azeleratuak
- Baldintza errealen simulazioa ingurune kontrolatuetan
Korrosioaren aurkako babesa
- Korrosioaren aurkako babes-teknikak
- Monitorizazio-sistemak eta mantentze-lan prediktiboa.
- Korrosioarekiko erresistenteak diren materialen hautapena
Benetako kasu praktikoak
- Korrosioak eragindako hutsegiteen analisia
- Sektore industrial gakoetan dituen erabilerak
- Enpresen esperientzia errealak
Korrosio industrialeko profesional adituak
Ikastaro honetan, korrosioan aditu diren TECNALIAko espezialistek eta hainbat enpresa liderrek parte hartzen dute; besteak beste, SIKAk eta IR Corrosiónek. Industriaren, energiaren eta eraikuntzaren arloetako korrosio-arazo errealetan zuzeneko esperientzia izan duten profesionalengandik ikasiko duzu.
Norentzat da ikastaro hau?
- Ingeniari industrialak, zibilak, mekanikoak eta materialetakoak
- Mantentze-lanetako eta ikuskapeneko teknikariak
- Aktiboen integritatearen eta azpiegituren kudeaketaren arduradunak
- Korrosioaren prebentzioan interesa duten profesionalak
Izena emateko irizpideak
- Ikastaro honetan, sektoreko enpresa pribatuek soilik har dezakete parte, eta erakunde bakoitzeko hiru pertsonak gehienez. Irizpide hori betetzen ez duten erakundeen izen-emateak baztertu egingo dira.
- Izena emateko, formularioa bete behar duzu. Lantaldeak eskaera egiaztatuko du, eta, baldintzak betetzen badira (enpresa hautagarria bada), zurekin harremanetan jarriko gara ordainketa tramitatzeko.
- Zalantzarik izanez gero, galdetu harremanetarako formularioaren bidez.
Ikastaroa gaztelaniaz emango da eta leku-kopurua mugatua da. Beraz, ziurtatu zure lekua orain eta hobetu zure aktibo industrialen kudeaketa.
Hemen duzu aurreko edizioaren programa: "Korrosio-ingeniaritzako ikastaroa". Laster argitaratuko dugu gai-zerrendaren berrikuntzak dituen bertsio eguneratua.