"Kuantikarako teknologia gaitzaileak: transferentzia zientziaren industriatik" onlineko Lan Gosarian parte hartuko dugu
INDUCIENCIAk, INDUQUANTek eta INEUSTARrek antolatutako gosaria da, eta teknologia kuantikoek ientziaren industriarentzat eta fabrikazioan, ekipamenduan eta instrumentazioan gaitasun aurreratuak dituzten enpresentzat irekitzen dituzten aukerak aztertuko ditu.
Industria laguntzaile kuantikoak ETEak hazteko bide berri bat irekitzen du
Teknologia kuantikoak industrializazio-etapa berri baterako bidean doaz. Zenbait esparrutan duten potentzialak —konputazioan, komunikazio seguruetan eta sentsorika aurreratuan, besteak beste— industria-gaitasun espezializatuak eskatzen dituen balio-kate bat sortzea bultzatzen du.
Testuinguru horretan, fabrikazio aurreratuan, ekipamendu zientifikoan, instrumentazioan eta zerbitzu teknologikoetan esperientzia duten enpresek balio erantsi handiko merkatu batean kokatzeko aukera dute.
Laborategitik fabrikara
Saioan, kuantikarako teknologia gaitzaileen rola eta eskalatze industrialari zer ekarpen egiten dioten aztertuko dugu. Halaber, diamantean oinarritutako txip kuantikoek sentsorika aurreratuko aplikazioetan duten potentziala jorratuko dugu, bai eta haien garapenarekin lotutako behar teknologikoak eta produktiboak ere.
TECNALIAren ikuspegia kuantikaren industrializazioari buruz
Gure kide Irene López de Vallejok, TECNALIAko Quantum arloko Negozio Garapeneko arduradunak, ikuspegi bat partekatuko du industria laguntzaile kuantikoaren garapenaz, teknologia horien egungo egoeraz eta eskala handian ezar daitezen behar diren gaitasunez.
Honako hau erakutsiko du bere parte-hartzean: nola zientziaren industriaren esperientzia metatuak lagundu dezakeen soluzio kuantikoen industrializazioa bizkortzen, eta nola sor ditzakeen enpresa hornitzaileen, teknologia-zentroen eta ekosistemako eragileen arteko lankidetza-aukera berriak.