Mugikortasuna eraldatzen duten teknologiak bultzatzen ditugu MUBIL MOBILITY EXPO azokan
Mubil Mobility Expo 2026 azokan parte hartuko dugu. Azoka horretan, Europako hegoaldeko mugikortasun jasangarriaren funtsezko eragileak bilduko dira Irunen, FICOBAn, martxoaren 25ean eta 26an.
- Topaketa hau estrategikoa da sektorearen lehiakortasuna garatzen duten eta industria-aukera berriak aktibatzen dituzten soluzio errealak erakusteko Euskadi-Nafarroa-Akitania euroeskualdean.
- Mubilek gune profesional bat sustatzen du, non berrikuntzak, digitalizazioak eta jasangarritasunak ekosistemaren eraldaketa bultzatzen baitute.
Segurtasunean, konektibitatean eta eraginkortasunean aurrera egiten duten erakusleak aurkezten ditugu
- Airetiko mugikortasun berritzailea
- Mugikortasun konektatua, kooperatiboa eta autonomoa
- Clean Powertrain Engineering
- Garraio eta logistika adimenduna
Ekosistema dinamizatzeko ezagutza zabaltzen dugu
Gure parte-hartzea bat dator azokaren helburuekin: eragile publiko eta pribatuen arteko lankidetza berriak sustatzea; mugikortasun jasangarriak industrian, ekonomian eta lurraldean duen benetako eragina ikusaraztea; eta dinamika berritzaileak bultzatzea, Test Drive, City Market Place, erakusketariek sustatutako mahai-inguruak eta antzeko ekimenak baliatuz.
Frantzia partner countrya izango dugu edizio honetan, eta horrek sendotu egingo du topaketaren nazioarteko proiekzioa.
- Ikusi nola egiten dugun aurrera mugikortasun jasangarri, konektatu eta seguru baterantz, Mubil Mobility Expo 2026ko gure standean.
- Informazio gehiago Mubil Mobility Expo 2026ekitaldiaren webgune ofizialean.