CSICekin batera, terapia neurologiko berriak eta garapen aitzindari bat aurkeztuko ditugu: nanopartikula bidezko garun-estimulazioa
Zientzia Ikerketen Kontseilu Nagusiak (CSIC) eta Sols Morreale Ikerketa Biomediko Institutuak (IIBM, CSIC-UAM) jardunaldi bat antolatu dute Madrilen neuromodulazio ez-inbaditzailearen prototipoak aurkezteko , eta Tecnaliak han aurkeztuko du egindako lana.
Ekitaldian izango dira Ana Castro CSICeko Berrikuntza eta Transferentziako presidenteordea eta Moisés Martín CDTIko zuzendari nagusia.
- Gure Osasuneko Taldeak Ander Ramos buru duela, neuromodulazio ez-inbaditzailerako garatu duen prototipoa aurkeztuko du bertan.
- Zehazki, nanopartikula selektibo bidezko estimulazioa.
Garunarekin interakzio ez-inbaditzailean aritzen diren teknologiak.
Orain arte, eskura zeuden tresna ez-inbaditzaileek muga handiak zituzten. Garezurrean Zeharreko Estimulazio Magnetikoak (TMS) eta Garezurrean Zeharreko Estimulazio Elektrikoak (TES) ezin dute hesi hematoentzefalikoa zeharkatu. Hesi horrek garuna babesten du, baina, aldi berean, ez die farmakoei uzten helburu dituzten neurona-ehunetara iristen. Egungo terapien eraginkortasuna mugatua dago arrazoi horregatik.
Beraz, beharrezkoa da garunarekin modu ez-inbaditzailean aritzen diren teknologiak garatzea.
- Erronka horri erantzuteko, Garapen Teknologiko eta Berrikuntzarako Zentroak (CDTI) bi prototipo teknologiko entregatu dizkio Zientzia Ikerketen Kontseilu Nagusiari (CSIC), neuromodulazio-proiektuaren barruan: Neumonas.
- Horietako bat TECNALIAk egin du, eta teknologia aitzindari bat garatu du: nanopartikula selektibo bidezko estimulazioa.
Xehetasun guztiak datorren apirilaren 13an egingo den aurkezpenean emango dira ezagutzera: streaming bidez zuzenean jarraitu ahal izango da.
*Neumonas proiektua neuromodulazioko teknologia ez-inbaditzaileen arloko I+Gko zerbitzuak garatzeko merkaturatu aurretiko erosketa publikoko ekimen bat da, Europar Batasunak (NextGenerationEU) eta Zientzia, Berrikuntza eta Unibertsitate Ministerioak finantzatua eta Suspertze eta Erresilientzia Mekanismoak (MRR) kofinantzatua. Garapenak IKUR estrategiaren Basque Nanoneuro Network (B3N) ekimenean sortutako aurretiko ezagutzetan oinarritzen dira, besteak beste. Euskadiko 2022-2024 Inbertsio Estrategikoen Planaren barruko Ikerketa Estrategikoko proiektu bat izan zen, Eusko Jaurlaritzaren Hezkuntza Sailak lagundua eta finantzatua.
*Proiektu hori gauzatzeko, TECNALIArekin lankidetzan aritu dira: ACHUCARRO BASQUE CENTER FOR NEUROSCIENCE FUNDAZIOA, DONOSTIA INTERNATIONAL PHYSICS CENTER FUNDAZIOA (DIPC), Bit&Brain Technologies; Nafarroako Unibertsitatea –Nafarroako Unibertsitate Klinika (CUN); BIOFISIKA BIZKAIA FUNDAZIOA (FBB), MATERIALS PHYSICS CENTER (MPC), EHU (Euskal Herriko Unibertsitatea).
