Packaging-aren arau-esparruko aldaketak direla-eta, konponbide berriak behar dira.
Empack eta Logistics & Automation Bilbao ekitaldia egingo dugu. Hartan, lehen aldiz bilduko dira Espainiako iparraldeko packaging-aren, logistikaren eta garraioaren sektoreak.
- Packnet-ek (Ontzi eta Bilgarrien Espainiako Plataforma Teknologikoak) honako mahai-inguru hau antolatu du: “Packaging-aren zirkulartasunaren gakoak: berrikuntza teknologikoaren erronkak eta aukerak” .
- Inés Alonso TECNALIAko Zirkulartasun Merkatuaren kudeatzaileak mahai horretan parte hartuko du eta packaging-era zuzendutako berrikuntza teknologikoan egin diren azken aurrerapenak partekatuko ditu.
- Legedi eta araudi berriak (esate baterako, ekonomia zirkularra xede duen hondakinei eta lurzoru kutsatuei buruzko Legeak) packaging-aren, ontzien eta bilgarrien industriak egingo dituen hurrengo urratsak baldintzatuko ditu.
- Arau-esparru berri horren xedea da Europar Batasunaren helburuetara hurbiltzea ekonomia zirkularraren eta klima-aldaketaren aurkako borrokaren arloan eta, hala, garapen jasangarriko helburuak betetzen laguntzea.
Ekonomia zirkularra TEKNALIAN
TEKNALIAn laguntza eskaintzen diegu industria-sektoreari eta erakunde publikoei, garapen ekonomikoko eredu jasangarri bat ezar dezaten. Ekonomia-eredu zirkularra lortu nahi da, ekoizpen-sistemetan zirkulartasuna sartuko duena, lehengaien, materialen, produktu/zerbitzuen eta energiaren erabilera optimizatuko duena eta ahalik eta gehien murriztuko duena hondakinen sorrera.
Hala, lagundu egiten da enpresen lehiakortasuna sendotzen eta “Green Economy” delakoan oinarritutako jarduera ekonomiko berriak sortzen.