Materialen prestaketan eta karakterizazio mikroestrukturalean espezializatutako laborategia. Propietate mekanikoekin, kimikoekin, fisikoekin eta historia termo-mekanikoarekin duten erlazioa aztertzen du.
Gure aditu-taldeak esperientzia handia du materialen (metalikoak, polimeroak, konpositeak, zeramikoak…), loturen eta estalduren analisian.
Kokapena
Metalografia-laborategiko saiakuntza eta ekipamendu nagusiak
Hauek dira egiten ditugun saiakuntza eta analisi nagusiak:
- Azterketa makrografikoa (lotura soldatuak, haridunak…).
- Analisi mikrografikoak:
- Mota guztietako materialen analisia mikroskopia optikoaren bidez (mikroegitura, pikorren tamaina, metalezkoak ez diren inklusioen zehaztapena, estalduren lodieraren neurketa, zuntz/erretxinaren banaketa, osagai elektronikoen mikrosekzioak, etab.).
- Ekorketa-mikroskopia elektronikoaren (SEM) bidezko analisia, hala nola analisi fraktografikoak, mikroegitura, defektologia eta osagaien identifikazioa, Energia Sakabanatzaileko X Izpien Espektroskopia (EDX) teknikaren bidez.
- Irudien analisiaren bidez faseak / partikulak / poroak kuantifikatzea.
- Vickers mikrogogortasun-saiakuntzak eta gainazaleko tratamendu termikoen sakonera zehaztea.
- X izpien difrakzio bidezko analisia (XRD): Faseak, ehundurak, geruzen neurketa, etab. identifikatzea eta kuantifikatzea.
- Korrosio-saiakuntzak:
- Pikorren arteko korrosio-saiakuntzak
- Pitting korrosio-saiakuntzak
Laborategiak ekipamendu hau du:
- Mikroskopio optiko automatikoak eta erdiautomatikoak, x1000 handipenera arteko kamera digitalarekin.
- Ekorketa termoionikoko (SEM) eta eremu-igorpeneko (FE-SEM) mikroskopio elektronikoak, EDX mikroanalizatzaileekin.
- Irudi digitala tratatzeko softwareak (neurketak, pikorren tamaina, mikro-inklusioak, faseak eta galdaketa-analisia).
- Vickers mikrogogortasun-ekipo automatikoak.
- X izpien difraktometroa (XRD).
- Lupa estereoskopikoa, x200 handipenera arte.
- Landa-metalografiarako gailu eramangarria.
- Erreplikazio metalografikoa.
Nori zuzendua
- Energia berriztagarriak
- Osagai metalikoen fabrikatzaileak
- Transformazio metalikoaren industria
- Petrolioaren eta gasaren industria
- Eraikuntza-industria
- Aeronautikako, trengintzako eta automobilgintzako osagaien fabrikatzaileak
- Diseinu- eta mantentze-ingeniaritzak
- Azpiegiturak
Ziurtagiriak eta akreditazioak
ISO 9001 eta ISO 17025 ziurtagiriak dituen laborategia (ENACen 4/LE063 ziurtagiria)
Eraikuntza-sektorerako ENAC ILAC akreditazioa ISO 17025 arauaren arabera, (espediente-zk.: 4/LE024)
Akustikarako ENAC ILAC akreditazioa ISO 17025 arauaren arabera (espediente-zk.: 4/LE456). UNE-EN 9100:2010 arauaren arabera ziurtatutako kudeaketa-sistemadun laborategia
Gainazal-tratamenduetarako AIRBUSek baimendutako laborategia
Prozesu kimikoetarako NadCap akreditazioa
Mateliaren saiakuntzetarako NADCAP MTL akreditazioa
