TECNALIAren GLEEBLE 3800 sistema aleazio metalikoetako prozesu termomekanikoen simulagailu fisiko bat da, hala nola beroko ijezketarena, forjaketarena, beroko estanpazioarena, soldaduran termikoki erasandako eremuarena edo konformazio-mapena.
Kokapena
Deskribapena
Sistemak ekipamendu hau du:
- Bihurketa mugikorreko unitatea.
- Transformadorea.
- Saiakuntza-ganbera (hutsean eta atmosfera kontrolatuarekin).
- Ardatz mugikorra.
- Sistema serbohidraulikoa.
- Ponpa hidraulikoa.
- Ur-hozkailua.
- Termopareentzako kanalak.
- Karga-zelula.
Modu osagarrian, kanpoko tenplaketa-sistema bat eta estentsometro axial eta diametralak ditu.
Beroko trakzioaren, SICOren, deformazio osteko dilatometriaren, neke termikoaren eta abarren tipo-saiakuntzetarako barailak finkatzeko erreminteria du (probeta zilindrikoak eta lauak). Erreminteria sekundario gisa konpresioko tipo-saiakuntzetarako egokigailu bat du.
Hauek dira haren ezaugarri nagusiak:
- “Zuzeneko erresistentzia” bidezko berotze-sistema termikoa (10.000 °C/s-rainoko berotze-abiadura).
- Aldagai mekanikoen kontrol zehatza duen sistema mekanikoa (ardatzaren mugimendua, eragindako indarra).
- Zeharkako plano isotermikoak. Tenperatura-gradiente axiala.
- Prozesuen simulazioa: beroko ijezketa, forjaketa, beroko estanpazioa, soldaduran termikoki erasandako eremua, konformazio-mapak eta abar.
- Materialen saiakuntzak: ziklo termikoa, beroko trakzioa (harikortasuna), ardatz bakarreko beroko konpresioa (benetako tentsio-deformazio kurbak), SICO pitzadurekiko suszeptibilitatea, deformazio osteko dilatometria, neke termikoa, urtzea eta solidotzea eta abar.
Nori zuzendua
- Prozesu termomekanikoen bidez metal-aleazioen produktuak fabrikatzen edo eraldatzen dituzten enpresak. Bereziki, galdaketa-prozesuak eta burdingintza-prozesuak.
