Doako sarbidea nazioarteko kategoriako itsas energia berriztagarrien saiakuntza-instalazioetara

TECNALIAk eta EEEk itsas energia berriztagarrien bere azpiegituretan sartzeko aukera eskaintzen diote komunitate industrial eta zientifikoari. Sinetsita gaude itsas energia-iturri berriztagarrien sektorea hazkunde ekonomiko jasangarria eta enplegu-sorrera egonkorra ekarriko duen sektorea dela aurrera begira, eta energia-iturri horrekiko konpromisoa dugu. Uste dugu ikerketak, garapenak eta berrikuntzak funtsezko zeregina izan dezaketela beste energia-iturri batzuen aldean lehiakorrak diren teknologiak lortzeko.

Goi-mailako hiru instalazio eskaintzen dira:

• TECNALIA: osagaien korrosioa probatzeko saiakuntza-plataforma (HarshLab): Plataforma flotatzaile aurreratu bat da Armintzako kostaldetik (Bizkaiko Golkoa, Espainia) 1.700 metrora ainguratua dagoena; berariaz diseinatua dago itsas zabalean gertatzen den korrosioaren, zahartzearen eta foulingaren aurkako materialak eta osagaiak ebaluatzeko.
• TECNALIA: Electrical PTO (Power Take Off) Itsas energiako gailu baten edo haize-turbina baten portaera mekanikoa erreproduzitzen duen emuladore bat da. Haize-turbinak eta itsas energiaren bihurgailuak sarera konektatzeko HIL (Hardware in the Loop) saiakuntza-banku bat da, osagai elektrikoak eta kontrol-legeak aztertzea duena helburu.
• EEE: Olatu-energiaren Mutrikuko instalazioa Mutrikuko olatu-horman integratua, sarera konektatutako instalazioak ur-zutabe oszilatzaileko (OWC - Oscillating Water Column) 16 gailu ditu aukera ematen dutenak saiakuntzak egiteko haize-turbinekin, sorgailuekin, kontrol-estrategiekin eta ekipamendu osagarriekin loturiko kontzeptu berriekin.

TECNALIAren “electrical PTO”ri esker, Mutrikuko olatu-energiaren instalazioaren portaera erreplika daiteke. Mutrikun saiakuntzak egin nahi dituzten erabiltzaileek laborategi-baldintza kontrolatuetan baliozkotu ditzakete aurrez beren ereduak, eta, gero, Mutrikuko olatu-energiaren instalaziora eraman. Ikuspegi hori aplikatu dute, arrakastaz aplikatu ere, Lisboako ISTko adituek Opera Proiektuan olatuen energiarako gailuak garatzeko.