Elektronika-sektorearen fidagarritasuna, metalografia-, ingurumen- eta su-saiakuntzekin

PCBA sistemen fidagarritasuna bermatzen dugu ingurune kritikoetan

Sistema elektronikoak gero eta konplexuagoak direnez, sektoreak soluzio zehatzagoak eta prediktiboagoak eskatu ditu, eta TECNALIAk erronka horri erantzun dio, hutsegiteei aurrea hartzeko, prozesuak baliozkotzeko eta ingurune kritikoetan PCBA sistemen fidagarritasuna bermatzeko aukera ematen duten ebaluazio-teknologien bidez. Analisi metalografikoak, ingurumen-saiakuntza azeleratuak eta suarekiko portaeraren probak konbinatzeko duen gaitasunari esker, erakundea erreferentzia da osagai elektronikoen egiaztapen aurreratuan.

Akats ikusezinak erakusten ditugu mikrosekzio metalografikoetan

Teknika aipagarrienen artean, mikrosekzio metalografikoak daude, zeinak funtsezkoak baitira soldatutako loturen akats ikusezinak agerian uzteko, hala nola pitzadurak, poroak edo geruza intermetalikoetako aldaketak.

• Xehetasun-maila horrek aukera ematen du soldadura-prozesuak optimizatzeko eta automobilgintzan, aeronautikan, sektore aeroespazialean edo defentsa-sektorean estandar zorrotzak betetzen direla ziurtatzeko.
• Horrez gain, whiskeren sorrerari buruzko analisia egin da, funtsezkoa baita ikuskapen bisualaren, SEMaren eta EDXren bidez zirkuitulabur espontaneoak prebenitzeko, eta gainazaleko akaberak eta zahartze-baldintzak ebaluatu dira.

PCBA sistemek industrializatu aurretik dituzten ahuleziak detektatzen ditugu

TECNALIAk eskaintzen dituen ingurumen-saiakuntza azeleratuek muturreko eragiketa-baldintzak erreproduzitzen dituzte, hala nola talka termikoa, tenperatura- eta hezetasun-ziklo konbinatuak eta erorketa askea, eta horrek aukera ematen du industrializatu aurretik ahuleziak detektatzeko. Ikuspegi prediktibo horrek landako hutsegiteekin lotutako kostuak murrizten ditu eta diseinuen sendotasuna hobetzen du, eta alderdi hori bereziki hartzen da kontuan da fidagarritasuna oso garrantzitsua den aplikazioetan.

Su-saiakuntzak egiten dizkiegu PCBA sistemei

Su-saiakuntzak funtsezko zutabe bihurtu dira zenbait sektoretan, hala nola trenbideen sektorean, EN 45545-2 arauak eskatzen baitu ibilgailuetako PCBA sistemen errekuntzarekiko portaera baliozkotzea.

• TECNALIAk R24 betekizuna betetzen du, EN ISO 4589 arauan oinarritua, arrisku-maila bakoitzerako behar den oxigenoaren muga-indizea (LOI) zehazten duena.
• Gaur egungo erronka operatiboei aurre egiteko, sektore elektronikoari produktu seguruagoak, sendoagoak eta prestatuagoak lortzen laguntzen diogu.