"Aliantza hau bi entitateek prefabrikatu industrialen garapenean eta berrikuntzan aurrerapausoak emateko duten interesetik sortu da"
Bi entitateek jardueren dibertsifikazioan ardaztutako hitzarmen bat formalizatu dute, eraikuntza industrializatuan eta prefabrikatuetan enfasi berezia jarrita, lehiakortasuna eta hazkunde jasangarria sustatzeko
GALLIZO enpresak eta TECNALIAk, ikerketa aplikatuko eta garapen teknologikoko Espainiako zentro handienak, hitzarmen bat sinatu dute lankidetza teknologikoko esparru egonkor bat ezartzeko helburuarekin.
Bi entitateen arteko hitzarmen hau prefabrikatu industrialen garapenean eta berrikuntzan aurrerapausoak emateko, efizientzia optimizatzeko eta merkatuan bide berriak irekitzeko duten interesetik sortu da.
Lankidetza tekniko eta estrategikoko esparru gakoak
Aliantza hiru ardatz nagusitan banatuta dago, enpresaren ahalmen produktibo eta lehiakorra eraldatzea xede.
- Lehenik, eraikuntza industrializatuko berrikuntza lehenesten da material berriak ikertzearen eta pieza espezifikoak garatzearen bidez. Ahalegin hori osatzeko, automatizazio-prozesuak inplementatuko dira merkatu-hobi berrietara heltzeko.
- Bigarrenik, lankidetzak I+Gko eta jasangarritasuneko zerbitzu aurreratuak integratuko ditu. Enpresak TECNALIAren laborategi-zerbitzuen eta erreferentziazko ziurtagirien babesa jasoko du, besteak beste, bere berrikuntzak merkaturatzeko prozesua bizkortzeko.
- Azkenik, akordioak enfasi berezia jartzen du talentuaren kudeaketan eta ezagutzaren transferentzian. Horretarako, TECNALIAko ikertzaile egoiliarrak GALLIZOko taldeetan sartzeko aukera aztertzen ari dira, exekuzio teknikoa bultzatzeko. Era berean, gaikuntza-programak ezarriko dira, enpresako langileek TECNALIAn egonaldiak egin ditzaten, gaitasun teknologiko berriak eskuratzeko eta haiek euren erakundeetara eramateko.
Lotura honekin, TECNALIAk enpresa liderrekin lankidetzan aritzeko daukan konpromisoa berresten du, zeinak haien lehiakortasuna hobetzea eta ikerketaren eta berrikuntza teknologikoaren bidez industrian inpaktu erreala izatea baitituen helburu.