“BIM diseinu parametrikoak onura nabarmenak dakartza egungo erronka arkitektonikoei ekiteko”
Estadioko estalkiaren egitura espazial osoko diseinu parametriko konputazionalaren garapenaren 2. fasea.
Gaur egun, BIM diseinu parametrikoak onura nabarmenak dakartza egungo erronka arkitektonikoei aurre egiteko. Teknologia honekin, algoritmoak aplikatzen zaizkie eraikinen diseinua definitzen duten parametroei. Hartara, diseinatzeko modu tradizionalekin alderatuta, diseinu konplexuagoak egin daitezke, eta/edo diseinu-aldaketa ugari ebalua daitezke askoz ere denbora laburragoan.
TECNALIAk Grünwalder estadioko estalki-egitura BIM diseinu parametrikoaren bidez erreplikatzeko proiektuaren bigarren fasea amaitu du: diseinu pasiboaren bidez diseinatu zuen Jonathan Chanca arkitektoak, Donostiako Elizalde Akademiako irakasleak.
Lehenengo fasean, egituraren zati zuzen baten parametrizazioa egin zen (zurezko korapilo eta barren egitura espaziala), Autodesk Dynamon-eko script baten bidez, non zenbait nodo neurrira egin behar izan baitziren Python bidez.
Proiektuaren bigarren fasea
Bigarren fase honetan, script gehiago sortu dira Autodesk Dynamo-n: Python bidez, neurrira ere egin ditugu berri batzuk, tarte kurbatuak eta izkinak (tarte zuzenen eta/edo kurbatuen arteko loturak) kontuan hartuta. Horri guztiari esker, egitura osoa modelatu ahal izan da Autodesk Revit-en.
Algoritmo horiek sarrerako parametro batzuk behar dituzte (estalkiaren barneko lerroa, habe-mota…), exekutatu aurretik erabiltzailea definitzen dutenak. Egitura-diseinu desberdinak lortzeko, sarrerako parametro horiek aldatu eta algoritmoak berriz exekutatu besterik ez da egin behar.
TECNALIAren eraikuntza digitaleko zerbitzu aurreratuen eskaintza
TECNALIAk askotariko zerbitzu aurreratuak eskaintzen ditu eraikuntza digitalean, profesionalen lana errazteko, hala nola diseinu konputazionala, geometria konplexuen diseinu- eta sorkuntza-prozesuak errazteko, neurrira egindako tresnak (add-in eta plug-in) sortzea BIM diseinu-software nagusietan (Autodesk Revit, Rhino, Autodesk Navisworks, etab.) eta jatorri desberdinetako datuak 3D interfazeetan integratzea, aktiboen informazioaren kudeaketa optimizatzeko.
Azken batean, zerbitzu aurreratuen eskaintzak aukera ematen die eraikuntza-prozesuko eragileei BIM proiektuak diseinatu, eraiki, erabili eta mantentzeko faseetan beren parte-hartzea hobetzeko, teknologiaren eta digitalizazioaren bidez.
