“Intentsitate- eta tentsio-kurben ohiko neurketak ordezten dituen tresna digital bat garatu dugu”
SOLARASP garatu dugu, modulu fotovoltaikoen errendimenduaren ikuspegi jarraitua, orokorra eta zehatza izateko aukera ematen duen tresna
Modulu fotovoltaikoen errendimendua eta kalitatea neurtzeko, intentsitate- eta tentsio-kurben bidezko ikuskapena egin ohi da, gaur egun. Informazio baliotsua eskaintzen duen arren, muga garrantzitsuak ditu eragiketa-aplikazioan.
Prozedura horrek eremu-teknikariek esku-hartzea eskatzen du, eta energia-ekoizpena eten egin behar izaten da ikuskapenean. Ondorioz, normalean, instalazio osoaren atal mugatu baten gaineko ikuskapen puntualak baino ez dira egiten, urtean behin edo sei hilean behin. Horrez gain, langile gaituak behar dira emaitzak behar bezala interpretatzeko eta sistema behar bezala mantentzeko aukera eman dezaketen ondorioak ateratzeko.
Erronka horiez jabetuta, TECNALIAn SOLARASP garatu dugu, hots, intentsitate- eta tentsio-kurben ohiko neurketa erabili ordez instalazioaren datu operatiboen analisi aurreratua erabiltzen duen tresna digital operatiboa. Ikuspuntu horri esker, errendimenduaren ikuspegi jarraitua, orokorra eta zehatza lor daiteke, etenak ezaba daitezke eta ohiko ikuskapenei lotutako kostuak nabarmen murriztu daitezke.
SOLARASP tresnak funtsezko onura asko eskaintzen ditu
- Monitorizazioa denbora errealean, ekoizpenari eragin gabe.
- Instalazio fotovoltaiko osoaren estaldura integrala.
- Arrazoizko kostua, eskalagarria, instalazioaren tamainaren arabera.
- Ezagutza aditua txertatzea, datuak informazio praktiko eta zuzenean eragiteko moduko bihurtzen dituena.
Gaitasun horiei esker, tresnak aukera ematen du akatsak garaiz hautemateko eta, beraz, eragiketak eta mantentze-lanak optimizatzeko (O&M). Hala, beharrezkoak ez diren prebentziozko esku-hartzeak saihesten dira eta instalazioaren errendimendu orokorra hobetzen da.
SOLARASP tresnarekin, TECNALIAk industria fotovoltaiko fidagarriagoa, lehiakorragoa eta jasangarriagoa izateko duen konpromisoa indartzen du, etorkizun energetiko berdeago eta guztiontzat eskuragarriago bateranzko trantsizioa bizkortzen lagunduz.
