"Aurrerapausoa fabrikazio hibridoan, Irizar Forge eta iWeld-en parte-hartzearekin"
Berrikuntza jasotze astunaren sektorean: kako hibridoaren fabrikazioa forja + DED-ARC uztartuz
COMBOHOOK proiektuaren esparruan, jasotze kritikoko aplikazioetarako funtsezkoa den osagai bat fabrikatzeari ekin diogu: forjatze-teknologia tradizionala eta DED-ARC (Direct Energy Deposition using Electric Arc) bidezko fabrikazio aditiboa uztartzen dituen kako hibridoa.
Garapen hori mugarri bat da industria-prozesu aurreratuen integrazioan, bai eta urrats erabakigarria ere egiturazko soluzio berriak lortzeko, besteak beste, itsas zabaleko azpiegituren, energiaren eta azpiegitura handien sektoreetan.
Irizar Forge enpresa arduratu da kakoaren oinarri forjatua (kakoaren "adarrak") fabrikatzeaz. Oinarri horren gainean, iWeld aktiboak, fabrikazio aditibo metalikoko soluzioetan espezializatuak, DED-ARC teknologia aplikatuko du.
Irizar Forge Royal Van Beest enpresaren jabetzakoa da eta liderra da kalitate goreneko jasotze-, arrastatze- eta amarratze-osagarrien sektorean.
Fabrikazio hibridoa: bi mundutako onena
Ikuspegi hibridoak bi teknologia hauek uztartzen ditu:
- Forjaketa: eremu kritikoen propietate mekanikoak optimoak izatea bermatzen du.
- DED-ARC teknologia: geometria konplexuen fabrikazio aditiboa, denboren murrizketa eta diseinu-askatasuna ahalbidetzen ditu, arku elektriko bidezko material-fusioaren bidez.
Aukera paregabea iWeld aktiboarentzat
Kasu hau aukera paregabea da iWeld aktiboarentzat bere teknologiaren ahalmena erakusteko ingurune erreal, zorrotz eta egitura-erantzukizun handiko batean.
Trazabilitate digitalari, prozesuaren kontrolari eta DED-ARC teknologiaren egokigarritasunari esker, osagaia kalitate- eta errendimendu-maila altuenetara eraman ahal izango da.