"Merkatu birtuala, azpiegitura eta zerbitzuetarako sarbidea duena inguratzaile-sistema berritzaileak merkaturatzen laguntzeko"
MEZeroE: berrikuntza irekiko ekosistema bat nZEB eraikinetako inguratzaileen soluzioak garatzea sustatzeko
MEZeroE Europako ekimenak berrikuntza irekiko plataforma birtual bat garatu du. Fatxadako nahiz estalkiko inguratzaile-sistema berritzaileak garatzen dituzten enpresek beren sistemak merkatura iristeko aukerak maximiza ditzakete.
Bederatzi lerro pilotu eta berrikuntza irekiko hiru zerbitzu
Plataforma horretarako, bederatzi lerro pilotu eta berrikuntza irekiko hiru zerbitzu garatu dira. Lerro pilotuak produktu edo teknologia espezifiko batzuetara zuzenduta daude, zeinak ez baitira estandarrak eta/edo beren berezitasunei egokitutako metodologiak aplikatu gabe merkaturatu baitira.
Lerro pilotuen helburua da karakterizazio esperimentaleko protokolo berriak, simulaziorako eredu birtualak eta merkatuan konfiantza sortzeko eta produktu berritzaileen garapena bultzatzeko ebaluazio-irizpideak garatzea.
Berrikuntza irekiko zerbitzuek zeharkako gaiak lantzeko tresnak eta metodoak konbinatzen dituzte; adibidez, produktuak ziurtatzeko prozesuan laguntzeko, sistema berritzaile horiek instalatzen diren eraikin errealak monitorizatzeko edo berrikuntza irekiko prozesuetan laguntzeko.
TECNALIAn, inguratzaileetan integratutako sistema fotovoltaikoetarako, eguzki-energia termikoko eta eguzki-energia hibridoko sistemetarako linea pilotua garatzen ari gara
Prozedura esperimental berriak garatzen ari gara, sistema aktibo horiek ez baitute berezko arau-esparrurik eraikuntza-produktu gisa erabiltzeko. Ez dago berariazko saiakuntza-metodologiarik soluzio horietarako, eta segurtasun-eskakizunak ez daude ongi definituta. Bestalde, saiakuntza-azpiegitura berriak jarri ditugu martxan, produktu horien portaera hobeto karakterizatzeko.
Merkatu birtuala garapen-fasean dago oraindik; une honetan, MEZeroE komunitatea sortzen ari gara. Zenbat eta handiagoa izan komunitatea, orduan eta handiagoa izango da aukera energia ia nuluko eraikinak izateko trantsizioan eragin nabarmena lortzeko.
Informazio gehiago
Horrelako produktu berritzaileak garatzeko, baliozkotzeko, ziurtatzeko edo obran jartzeko prozesuan parte hartzen baduzu, gure MEZeroE komunitatearekin bat egin dezakezu; proiektuari buruzko informazio eguneratua jasoko duzu.
MEZeroE partzuergoa
EURAC, POLIMI, LEITAT, UIBK, ZAG, CUT, ITEC, DTU, TECNALIA, FOCCHI, VELUX, WINDOWMASTER, FLEXBRICK, HELIATEK, TECNAN, FLEX&ROBUST, ROTHOBLASS, RIKO HISE, INDRESMAT, ARBNCO, GREENTEG, NUVAP, INCURVO, COMPAZ eta R2M.
