"Osagai kritikoenen degradazioa iragartzen duten eta fidagarritasuna hobetzen duten teknologiak garatzen ari gara"
Teknologia berritzaileak garatzen ditugu, potentzia-elektronikako bihurgailuen osagai kritikoen fidagarritasuna handitzeko.
CONFÍA ekimenaren ardatza da potentzia-elektronikako bihurgailuetan akats-tasarik handiena duten bi osagaien fidagarritasuna hobetzea: siliziozko IGBT erdieroaleak eta kondentsadoreak. Ikerketak IGBTen kapsulatuaren degradazio termo-mekanikoa jorratzen du, eta ekipamendu horien balio-bizitza luzatzea bilatzen du, honako hauen bidez:
- Funtzionamendu- eta degradazio-prozesuak karakterizatzeko ereduak.
- Parametro elektrikoak monitorizatzeko neurketa-sistema ez-inbaditzaileak.
- AAko tekniketan oinarrituta dauden diagnosiko eta prognosiko algoritmo aurreratuak.
- Estres termikoa eta harmonikoa murrizteko kontrol- eta modulazio-teknikak.
Aurreikusten diren emaitzen artean, hauek nabarmentzen dira: IGBTetako lotura-tenperatura kalkulatzeko zirkuitu ez-intrusiboak, degradazio-egoera iragartzeko algoritmoak eta baliozkotzea optimizatzeko saiakuntza-metodologia bizkortua (HALT).
Potentzia-bihurgailuen fidagarritasunaren erronka
Munduko elektrizitatearen % 70 baino gehiago prozesatzen da potentzia-elektronikako bihurgailuen bidez. Bihurgailu horiek erabiltzen dira energia berriztagarrietan eta mugikortasun elektrikoan ere. Kritikoa da fidagarriak izatea. Izan ere, hutsegiteen ehuneko handi bat gertatzen da potentzia-bihurgailuetan; adibidez, sistema fotovoltaikoetan (% 37) eta eolikoetan (% 13).
Osagaien balio-bizitza luzatzen duten edo hutsegiteak iragartzeko modua ematen duten soluzioen ikerketa aukera estrategikoa da Euskadirentzat, eta sare elektriko eta adimendunen balio-kate sendo batean oinarritzen da.
Potentzia-elektronikaren fidagarritasunaren aldeko apustua
TECNALIAk gidatzen du proposamena, potentzia-elektronikako bihurgailuetako osagai kritikoen fidagarritasunaren esparruan duen esperientzia dela eta. Hala, degradazio-prozesua modelatzen eta karakterizatzen egiten du lan, batez ere, bai eta degradazio hori zehazki zenbatesten ere, AA teknikak aplikatuz.
- TECNALIAk koordinatzen du CONFÍA, eta beste bost eragilek ere hartzen dute parte: Zientzia, Teknologia eta Berrikuntzaren Euskal Sarea (ZTBES), Mondragon Unibertsitateko Eskola Politeknikoa (MU-EPS), Euskal Herriko Unibertsitatea (EHU), Ikerlan, Zigor R&D eta BASQUENERGY Cluster.
- Eusko Jaurlaritzako Industria, Trantsizio Energetiko eta Jasangarritasunn Sailak finantzatu du proiektua, ELKARTEK programaren bidez.