"Transferentziari buruzko artikulu onenaren saria jaso dugu Zibersegurtasunaren arloko Ikerketako Jardunaldi Nazionaletan”
Laugarren urtez jarraian, zibersegurtasunaren arloko ikerketako RENIC sari ospetsua jaso dugu
Zibersegurtasuneko Institutu Nazionalarekin (INCIBE) lankidetzan ematen den sari horrek zibersegurtasunaren arloan egiten dugun ikerketa-jardueraren bikaintasuna eta inpaktua nabarmentzen ditu.
Saritutako artikuluak "Virtual QKD Network Simulator: a Testbed for Integrating Physical and Simulated QKD Systems" izenburua du, eta honako hauek landu dute: Aitor Brazaola-Vicario, Alejandra Ruíz, Aitor Moreno Fernández de Leceta, Jorge López, Jaime García García, Félix de Pedraza Hernández, Diego Muñoz Martín, Óscar Lage eta Eduardo Jacob.
- Lan horrek Virtual QKD (VQKD) aurkezten du: gako-banaketa kuantiko edo quantum key distribution (QKD) komunikazioko sareen simulagailu aurreratua. Gakoaren kudeaketa-geruzan lotura kuantikoak modu errealistan erreproduzitzeko aukera ematen du, bai eta dagoeneko lanean ari diren sistema fisikoekin integratzekoa ere.
- Diseinu modular eta malguari esker, VQKDk arkitektura hibridoak (kuantiko-klasikoak) baliozkotzen laguntzen du; horretarako, gako-trukea simulatzen du industriako estandarrekin bateragarriak diren kanal klasikoen bidez, hala nola ETSI-014 eta ETSI-020.
Ezagutzaren eta teknologiaren transferentziari bultzada
Aitorpen horrek indartu egiten du TECNALIAk enpresei, administrazio publikoei, eta, oro har, gizarteari ezagutza eta teknologia transferitzeko duen konpromisoa, eta laguntzen du zibersegurtasunaren arloko egungo erronkei aurre egitea ahalbidetuko duten soluzio berritzaileak hartzen.
Ikerketa aplikatuaren bidez balioa sortzen jarraitzea da gure helburua, eta, horrela, sektore guztietan konfiantza digitala bermatuko duten produktuak eta zerbitzuak garatzen laguntzea.
Eskerrak ematen dizkiegu RENICi eta JNICeko antolatzaileari aitorpen horrengatik, eta talde osoa zoriontzen dugu beren dedikazioagatik eta bikaintasunagatik. Zibersegurtasuna eta berrikuntza teknologikoa bultzatzeko lanean jarraituko dugu, ETEekin, administrazio publikoekin eta gizarte osoarekin lankidetza estuan.
