AEM elektrolisi-teknologia da elektrolizagailuen belaunaldi berria. Haren alde egiten dugu, eta gure asmoa da datozen urteetan industrian teknologia hori garatzea, eskalatzea eta ezartzea.
Erreaktore elektrifikatuek ere zeregin garrantzitsua izango dute molekula berriztagarriak sortzeko, hala nola metanola, amoniakoa eta erregai sintetikoak.
Bestalde, funtsezko faktoreak izango dira, hidrogenoaren teknologien inplementazio industrial efikaza lortzeko, hidrogenoaren eta haren deribatuen instalazioen diseinu optimoa, prozesuen areagotzea, materialen hautaketa egokia eta segurtasunaren bermea. Arlo horiek, proiektuen bideragarritasun teknikoa eta ekonomikoa zehazteaz gain, funtsezkoak izango dira ingurune industrialean eskalagarritasuna, jasangarritasuna eta onarpena ziurtatzeko.
Eta, azkenik, datozen urteetan, hidrogenoaren azken erabilerak baliozkotzeko gero eta kasu gehiago ikusiko ditugu industria-sektoreetan (altzairutegiak, ongarriak, kimika, findegiak, etab.) eta mugikortasunean (batez ere, astuna).
