Laborategi-zerbitzua

Aktiboen kudeaketa optimizaturako sentsorizazioa

Sensorización para gestión optimizada de activos

Aktiboak sentsorizatu eta monitorizatzeko zerbitzuak eskaintzen ditugu, haien kudeaketa optimizatzeko. Gaur egun, sentsorizazioan, komunikazioan, datu-biltegiratzean eta kalkulu-ahalmenean izandako aurrerapenei esker, aktiboak mantendu eta kudeatzearen inguruko zereginak optimiza daitezke. Enpresek gero eta gehiago aukeratzen dituzte ikuspegi prediktibo edo preskriptiboak; sentsorikak eta datuen analisiak ahalbidetzen ditu ikuspegi horiek.

Sentsorizazio- eta monitorizazio-soluzioak eskaintzen ditugu aktiboen kudeaketa optimizatzeko. Kudeatzen den aktiboaren osagaietan sentsoreak eta konektagarritasun-gailuak instalatzean datza sentsorizazioa. Gero makinatik makinarako (M2M) datuak prozesatzen dira aplikazio-sorta zabal bat lortzeko. Aplikazio horien artean, prozesuen simulazioa eta osagaien portaerak nabarmentzen dira. Hala, etorkizuneko egoera iragar daiteke, eta aktiboa modu prediktiboan kudeatzeko erabil daiteke informazio hori. Honetan datza monitorizazioa: kudeatzen den aktiboaren puntu jakin batzuetan laser neurketako gailuak instalatu eta konfiguratzea datu espazialak jasotzeko maiztasun jakin batekin. Informazio hori gero prozesatu egiten da, eta, besteak beste, aktiboak denbora-tarte jakin batean duen portaera ezagutzeko erabiltzen da. Hauek dira zerbitzuaren abantaila nagusiak:

  • Kontrol jarraitua: 24 ordu/egun eta 365 egun/urte.
  • Kalitate handiko irudiak.
  • Laginketa-maiztasun handia.
  • Zehaztasun milimetrikoa (1 mm +1/-0.5).
  • Urrutiko neurketa, trafikoari eta ekoizpenari eragin gabe.
  • Ez da beharrezkoa langileak egotea lantokian.
  • Kostu efektiboa.

Nori zuzendua

  • Instalazioen operadoreak
  • Instalazioen jabeak
  • Ingeniaritzak
Catálogo de servicios tecnológicos en edificación y obra civil

Eraikuntzako eta obra zibileko zerbitzu teknologikoen katalogoa (gaztelaniaz)

Deskargatu PDFa