Karakterizazio mikroskopiko, mekaniko eta kimikoko zerbitzuak eskaintzen ditugu. Diziplina anitzeko lantalde bat daukagu, zeina konfiantza-maila altua sortzeko gai baita.
Material metaliko edo ez-metalikoekin egindako produktu eta osagaietan “neurrira” egindako saiakuntza espezifikoak diseinatzeko eta egiteko behar den azpiegitura dugu, diseinu baten egokitasuna egiaztatzeko edo produktua edozein arau edo zehaztapenetara egokitzeko. Saiakuntza bertikaletarako makina unibertsalez gainera, RIG plataforma bat daukagu, osagaien saiakuntza mekanikoetarako hiru eragingailurekin. Horrek saiakuntzak instrumentalizatzeko aukera ematen digu, desplazamenduak (LVDTak), deformazioak eta tentsioak (tentsio-galga) eta tenperatura (kontaktu-termopareak) neurtuz. Era berean, saiakuntzak behar bezala egiteko behar diren tresnak egiteko ahalmena daukagu gure mekanika-lantegian.
Zerbitzuak
- Saiakuntzak diseinatzea, araudien, zehaztapenen edo bezeroaren eskakizunen arabera.
- Saiakuntza-makinan saiatu behar den produktua mihiztatzeko tresnak diseinatzea eta fabrikatzea.
- Osagai jakinekin saiakuntza bereziak egitea.
Nori zuzendua
- Energia berriztagarriak
- Osagai metalikoen fabrikatzaileak
- Transformazio metalikoaren industria
- Petrolioaren eta gasaren industria
- Eraikuntza-industria
- Aeronautikako, trengintzako eta automobilgintzako osagaien fabrikatzaileak
- Diseinu- eta mantentze-ingeniaritzak
- Azpiegiturak
Ziurtagiriak eta akreditazioak
ISO 9001 eta ISO 17025 ziurtagiriak dituen laborategia (ENACen 4/LE063 ziurtagiria)
Gainazal-tratamenduetarako AIRBUSek baimendutako laborategia
Prozesu kimikoetarako NadCap akreditazioa
Mateliaren saiakuntzetarako NADCAP MTL akreditazioa
Eraikuntzako produktuei Europako Ebaluazio Teknikoko (EET) dokumentuak emateko Ebaluazio Teknikoko Erakundea (ETE)
Eraikuntzako Produktuen Erregelamendurako 1292 zenbakiko organismo jakinarazia
