Biodegradagarritasuneko eta konpostagarritasuneko saiakuntza-aukera zabala eskaintzen dugu, “Bio” kontzeptua dela-eta nahasmenduak saihesteko zerbitzua emateko plastiko-fabrikatzaileei.
Fabrikatzaileek konpostagarritasun-bermerik gabe “biodegradagarri” deritzen plastikoak merkaturatzea saihesteko araudi aplikagarri egokirik gabe, merkatuan ezin da halakorik sustatu. Hauek dira materialen konpostagarritasuna egiaztatzeko arau nagusiak: EN 14995; EN 13432; ASTM D6400 eta ISO 17088. Arau horiek oinarri hartuta egiten ditugu gure saiakuntzak, haiek zehazten baitituzte materialen konpostagarritasuna eta tratagarritasuna zehazteko eskakizunak:
- Produktua osatzen duten materialen osaera, arreta berezia jarrita substantzia arriskutsurik ez izateari, hala nola metal astunak.
- Biodegradagarritasuna (ISO 14855, besteak beste). Materialak hasierako pisuaren gutxieneko portzentaje bat biodegradatu beharko du epe jakin batean.
- Tratamendu biologikoan desintegratzea (ISO 16929, nagusiki). Epe jakin baten ostean, ez du geratu behar 2 mm x 2 mm baino handiagoko material-zati bakar batek ere.
- Tratamendu biologikoko prozesuaren gaineko efektua.
- Lortutako konposatuaren kalitatearen gaineko efektua, zeina landareen ekotoxikotasunaren saiakuntzak oinarri hartuta ebalua baitaiteke (OECD 208).
Nori zuzendua
- Material polimerikoen ekoizleak eta eraldatzaileak.
- Material polimerikoak dituzten produktuen fabrikatzaileak.
- Elikagaigintzarako ontzi eta bilgarrien fabrikatzaileak.
Akreditazioak eta ziurtagiriak
Eraikuntza-sektorerako ENAC ILAC akreditazioa ISO 17025 arauaren arabera, (espediente-zk.: 4/LE024)
ISO 9001 eta ISO 17025 ziurtagiriak dituen laborategia (ENACen 4/LE063 ziurtagiria)
Eraikuntzako Produktuen Erregelamendurako 1292 zenbakiko organismo jakinarazia
Eraikuntzako produktuei Europako Ebaluazio Teknikoko (EET) dokumentuak emateko Ebaluazio Teknikoko Erakundea (ETE)
