Medikamentuen egonkortasun-azterketak

Hirugarrenentzako ICH egonkortasun-azterketa osoak eskaintzen ditugu aldez aurretik bezeroarekin adostutako prozedurak erabiliz. Azterketa horietan sar daitezke, besteak beste: metodoen transferentzia eta optimizazioa, estandar analitikoen kudeaketa, hainbat baldintza klimatikotan biltegiratzea, denbora-puntu analitikoen programazioa eta analisi osoa.

Gure zerbitzuen artean daude:

ICH arauen araberako egonkortasun-azterketak tenperatura eta hezetasun kontrolatuan (Ietik IVrako zonak).
Ohiko egonkortasun-azterketak.
On-going egonkortasuna.
Azterketa azeleratuak.
Egonkortasunen kanpo-kudeaketa.

Gure egonkortasun-ganberak ziurtatuta daude, eta haien hezetasuna eta tenperatura etengabe kontrolatzen duen alarma-sistema baten bitartez monitorizatzen dira. Tenperatura- eta hezetasun-egoera hauek ditugu:

25°C/% 60 HE
30°C/% 65 HE
40°C/% 75 HE
30°C/% 75 HE (IV. zona klimatikoa)

Hauek daude gure instalazio eta ekipamenduetan, besteak beste:

ARALAB Fitoclima 12000 PH ganbera klimatikoa (bertara sartzeko eta ibiltzeko modukoa) (2 unitate).
BINDER KBF-720 ganbera klimatikoa (5 unitate).
BINDER KWF-720 ganbera klimatikoa (1 unitate).

Laburbilduz, printzipio aktiboen eta medikamentuen kalitatea eguraldiarekin nola aldatzen den aztertzeko saiakuntzak egiten ditugu. Medikamentuaren balio-bizitza eta gomendatutako biltegiratze-baldintzak zehazten ditugu.

Nori zuzendua

Laborategi farmazeutikoak

Akreditazioak eta aintzatespenak

Garapen Farmazeutikoko Laborategia Botiken eta Osasun Produktuen Espainiako Agentziak (AEMPS) ziurtatuta dago Fabrikazio Egokirako Arauetan (NCFak): Giza erabilerako botiken eta ikertzen ari diren botiken kalitate fisiko-kimikoaren kontrola

Fabrikazio-instalazioa Botiken eta Osasun Produktuen Espainiako Agentziak (AEMPS) ziurtatuta dago Fabrikazio Egokirako Arauen (NCFak) arabera: Giza erabilerako botika ez-esterilen fabrikazioa eta inportazioa, psikotropoak eta estupefazienteak barne / Ikertzen ari diren botika ez-esterilen fabrikazioa eta inportazioa