Zibersegurtasuneko saiakuntzak egiten ditugu, smart griden ekipamenduetako segurtasun-eskakizunak betetzen direla bermatzeko. Hardwareko, softwareko eta komunikazio-protokoloetako segurtasun-ebaluazioetan esperientzia zabala duten ingeniari kualifikatuen talde bat dugu; ingeniari horiek prestatuta daude sare elektriko adimendunetako ekipamenduen zibersegurtasuna ebaluatzeko.
Zerbitzu hauek eskaintzen ditugu:
- Zibersegurtasuneko saiakuntzak, sare elektriko adimendunen ekipamenduetako segurtasun-eskakizunak betetzen direla bermatzeko.
- Bezeroen eskakizunak eta araudia betetzen direla bermatzeko zibersegurtasun-espezifikazioak eta -eskakizunak zehaztea.
- Ekipamenduen zibersegurtasuna egiaztatzeko testak (testbookak) garatzea.
- Zibersegurtasuna egiaztatzeko saiakuntza-plataformak garatzea.
Produktu hauek ebaluatzen ditugu:
- AMI edo neurketa-azpiegitura aurreratuko ekipamenduak: neurgailu adimendunak, datu-kontzentragailuak.
- Azpiestazioetako ekipamenduak: babes-erreleak, telekontroleko urrunekoak, atebideak, kommutadoreak.
Saiakuntza hauek egiten ditugu:
- Konpainia elektrikoen zibersegurtasun-profilaren araberako saiakuntzak.
- IEEE 1686.
Instalazio eta ekipamendu hauek ditugu:
- Guk garatutako tresna automatikoak, scriptetan oinarrituak, modularrak eta erabilerrazak.
- Tentsio- eta korronte-iturriak.
- Komunikazio-modemak.
Onurak:
- Jarritako ekipamenduek zibersegurtasun-eskakizunak betetzen dituztela bermatzeko aukera ematen diete fabrikatzaileei, eta horrek azkarrago zabaltzen laguntzen die.
- Zibersegurtasun-eskakizunak definitzen laguntzen diete konpainia elektrikoei, eta, halaber, jarritako ekipamenduek zibersegurtasun-eskakizunak betetzen dituztela bermatzeko saiakuntza-laborategia eta -tresnak sortzen.
- Fabrikatzaileentzako eta konpainia elektrikoentzako laguntza.
Nori zuzendua
- Gailuen eta scadaren fabrikatzaileak, protokoloa inplementatzeko.
- Teknologia-hornitzaileak.
- Zerbitzu teknologikoetako eta outsourcingeko enpresak.
- Sareko utilitate eta operadoreak.
Akreditazioak eta aintzatespenak
Saiakuntza elektrikoetarako ENAC ILAC akreditazioa ISO 17025 arauaren arabera (espediente-zk.: 4/LE148)
Bateragarritasun elektromagnetikoari (EMC) buruzko 2014/30/UE Direktibarako erakunde jakinarazia
Iberdrolak aintzatetsitako laborategia DLMS protokoloko kontagailuen funtzionaltasuna ebaluatzeko
Naturgyk aintzatetsitako laborategia DLMS protokoloko kontagailuen funtzionaltasuna ebaluatzeko
EDP-k aintzatetsitako laborategia DLMS protokoloko kontagailuen funtzionaltasuna ebaluatzeko
Saudi Electricity Companyk aintzatetsitako laborategia DLMS protokoloko kontagailuen funtzionaltasuna ebaluatzeko
