Europan Low Altitude Economy errealitate bihurtzeko behar den azpiegitura —airekoa zein lurrekoa— ikertu eta garatu nahi dugu.
Hasteko, gaur egun dauden teknologien eta araudien arabera izan dezakeen erabilera lehenbailehen gauzatzen saiatzen ari gara. Horretarako, TECNALIAn bertiportu mugikor eta integralen soluzio bat garatzearen alde egin dugu, zeinak egokia izan behar baitu edonora garraiatzeko eta edonon kokatzeko, eta bere inguruneko drone-ekosistema bati zerbitzua emateko.
Gure misioa da droneak lehenbailehen erabiltzea parke eolikoak eta instalazio fotovoltaikoak ikuskatzeko, bai eta azpiegitura kritikoak zaintzeko ere —hala nola energia-zentralak eta portuak—, edota nekazaritzan eta baso-zaintzan laguntza emateko.
Era berean, oraindik existitzen ez diren arren datozen urteetan Low Altitude Economy eskala handian ezartzeko funtsezkoak izango diren teknologien alorreko ikerketa eta garapena egiten ari gara. Horretarako, aliantzak ehuntzen ari gara esparru tekniko eta arauemaile bat elkarrekin definitzeko giltzarri diren enpresekin eta gobernu-erakundeekin. Etorkizunari aurrea hartzen ari gara.
