Smart Construction

Daukagun berrikuntza-erronkarik handiena da eraikuntza-prozesuak errotik bizkortzea ahalbidetuko duten soluzio berriak garatzea.

Aldi berean, jasangarritasuna ere garrantzitsua da, eta, beraz, soluzio jasangarri eta zirkularrak sartzen ditugu bai diseinuan, bai materialen garapenean, bai fabrikazioan, horri esker hondakinak eta ingurumen-inpaktua murrizteko. Gainera, proiektuen kalitatea hobetu dezakegu fabrikazio prozesua off-site kontrolatuz eta obran muntatuz.  

Azkenik, digitalizazioarekin eta automatizazioarekin lotutako berrikuntzak ere garrantzitsuak dira. Hori dela eta, teknologia disruptiboak garatzen ditugu, prozesuak eta baliabideen erabilerak optimizatzeko eta hobeto integratzeko proiektuak entregatzen eta kudeatzen diren bitarteko balio-katea eta diseinu-, fabrikazio-, eraikuntza- eta muntaia-prozesuak. 

• Eraikuntza industrializatuko eta modularreko produktuak lortzeko gai izango gara, horri esker eraikuntza-prozesuak eraldatzeko. Era berean, sektorearen deskarbonizazio bizkorra ahalbidetuko duten soluzio jasangarriagoak txertatzeko gai izango gara.
• In-situ eraikuntzatik off-site fabrikaziora eta obrako muntaiara igaroko gara. 
• Eraikuntzarako sistema automatizatuekin eta robotikarekin ariko gara lanean; horrek ahalbidetuko du prozesuak digitalizatuz eta sektorean robotika sartuz produktibitatea eta kalitatea hobetzea. 
• Adimen artifizialean oinarritutako soluzioak txertatzeari esker, aukera izango da sektoreko datuen ustiapena eta erabilera hobetzeko eta sektoreko langileen produktibitatea eta gaitasunak handitzeko.
• Material berriak eta soluzio jasangarriagoak izango ditugu. Haien bidez, karbono-aztarna murrizteko aukera izango da, hondakinak berrerabiltzeari eta materialen bigarren bizitza eragiteari esker, zirkulartasunaren aldeko lanean.