Gure soluzio teknologikoak lagungarri zaizkie administrazio publikoei eta enpresei hainbat egitekotan: kalteberatasuna eta arriskua aztertzeko; klima-aldaketara egokitzeko neurri eta plan eraginkorrak garatzeko, naturan oinarritutako irtenbideak azpimarratuz; eta politika publikoetan eta enpresa-estrategietan integratzeko, epe luzera klima-erresilientzia areagotze aldera.

Gure teknologien artean, hauek nabarmentzen ditugu:

• Kalteberatasuna eta arriskuak aztertzeko prozesuak automatizatzea, klima-agertokietan, estatistikan eta analisi espazialean oinarrituta (kartografia).
• Inpaktuak modelizatzea (bero-uhartearen efektua eta uholdeak, besteak beste), egokitzapen-neurrien eraginkortasuna kalkulatzeko.
• Klima-aldaketara egokitzeko neurri, plan eta ibilbide-orri malguak diseinatzeko tresnak garatzea.
• Climate-Proofing ikuspegiaren sektore-integrazioa eta klima-aldaketaren ondorioetara egokitzea hiri-plangintzaren, lurralde-antolamenduaren, azpiegituren eta energiaren sektoreetan.
• Klima-zerbitzuak eta datuen analisia aginte-koadroak eta datu-panel pertsonalizatuak garatzeko.