Uda-ikastaro honetan, konbinaturik izango dituzu teoria eta praktika, energia-, klima- eta hiri-trantsizioarekin lotutako zenbait alderdiren gainean
Erronka klimatikoa eta energetikoa ez ezik, Europako Itun Berdearen helburuak ere landuko dira, teknologiaren ekarpena abiapuntu hartuta; hau da, zer-nola ari diren hartzen nazioartean teknologiaren eta hirigintzaren arloko soluzioak, krisi klimatiko eta energetikoaren eraginak murrizteko eta arintzeko.
Zer landuko duzu uda-ikastaro honetan?
- Teoriaren eta praktikaren konbinazioa, energia-, klima- eta hiri-trantsizioarekin lotutako zenbait alderdiren gainean.
- Mahai gainean dauden soluzioen egungo egoera; adibide zehatzetan sakonduz, dagoeneko martxan dauden eta emaitzak sortzen ari diren enpresa edo erakundeekin egindako proiektuak aurkeztuko dira.
- Hitzaldi dinamikoak eta parte-hartzearen sustatzaileak, parte-hartzaileek egungo teknologion gaineko ikuspegi zabal bat izan dezaten, kontuan izanik zeinen garrantzitsuak diren Europarako eta klima- eta energia-erronkarako.
Helburuak
- Kontzientzia piztea krisi klimatiko eta energetikoari buruz.
- Krisi klimatiko eta energetikoaren alorreko teknologiak zer egoeratan dauden jakitea.
Jardueraren xede-publikoa
- Unibertsitate-ikasleak
- Unibertsitatez kanpoko ikasleak
- Irakasleak
- Profesionalak
- Herritarrak, oro har
Metodologia
- Hitzaldi laburrak izango dira, Europako erronka klimatikoa eta energetikoa arintzeko esparru erabakigarrietan diharduten adituen eskutik.