"TECNALIAk elektrolizagailuen prototipo osoak diseinatzen, garatzen eta erabiltzen ditu industriarako"
Hidrogeno berdea funtsezko molekula da gure ekonomia deskarbonizatzeko
Hidrogeno berdea lehengai gisa edo gas naturalaren ordezko gisa erabiltzen da prozesu industrialetan, eta prozesu horiek deskarbonizatzen laguntzen du. Bestalde, funtsezkoa da mugikortasun astuna deskarbonizatzeko, bai hidrogeno formako erregai gisa, bai haren deribatu gisa (metanola, amoniakoa, SAFa).
TECNALIAn, bi jarduera nagusi egiten ditugu hidrogeno berdea ekoizteko elektrolizagailuen alorrean.
- Lehenik eta behin, elektrolisi-teknologia berritzaileak ikertzen eta garatzen ari gara, hidrogenoaren kostua murrizteko.
- Bigarrenik, enpresei elektrolizagailuak probatzen eta modelatzen laguntzen diegu, industrian inplementatze aldera.
Elektrolizagailuen garapena
Elektrolizagailu osoa garatzen ari gara, bere bihotzetik hasita: stacka. Fabrikazio- eta jalkitze-teknologia berritzaileak erabiltzen ditugu stacka osatzen duten mintzak, elektrodoak eta plaka bipolarrak prestatzeko.
TECNALIAk elektrolizagailu-prototipo osoak diseinatzen, garatzen eta erabiltzen ditu. Prototipo horiek hidrogeno berdez hornitzen dute industria, probak egiteko, eta stackak eta instalazio-balantzearen osagaiak probatzeko plataforma esperimentalak dira. Elektrolizagailuen fabrikazioari eta probei buruzko ezagutza horrek guztiak TECNALIAk garatu dituen elektrolizagailuen eta hidrogeno-sistemen eredu aurreratuak elikatzen laguntzen du, hidrogeno-instalazioak eta hidrogenotegiak kostu optimizatu batekin eta segurtasun-alderdiak kontuan hartuta dimentsionatzeko.
