“Helburua emaitzak estrapolatzea da, eta ibilgailu elektrikoen baterietan suak duen portaera hobeto ulertzea”
Ibilgailu elektrikoen bateriek suteen aurrean duten portaera
Suaren ingeniaritzako gure aditu-taldeak puntako ezagutza eta gaitasun esperimentalak ditu ibilgailu elektrikoen baterietako materialek, produktuek eta inguratzaileek suteen aurrean duten portaera ebaluatzeko. Baterietan suteak sor eta heda daitezkeen egoera konplexuak lantzen ditugu, ad hoc azterketak proposatzen ditugu zenbait fenomeno ebaluatzeko, eta parametro garrantzitsuenen monitorizazioa egiten dugu.
Gure foku nagusietako bat ibilgailu elektrikoen baterietarako materialak ebaluatzea da; besteak beste, hauek: thermal pad/barrier osagaiak, inguratzaile/housing osagaiak, material osagarriak edo elektronika. Halaber, bero-igorpenaren patroien (HRR), sugarraren hedapenaren, opakotasunaren eta ke-toxikotasunaren azterketa zehatzak egiten ditugu, baterien segurtasuna zenbait egoeratan bermatzeko.
Baterien segurtasuna
Baterien segurtasunerako kritikoa den thermal runaway fenomenoaren jarraipena egiten dugu, beroa modu kontrolatuan sortuz edo gelaxken mailan gainkarga elektrikoa sortuz, eta battery pack osagaien mailako hedapena aztertuz. Tenperatura, heat release rate (HRR) ratioa eta ke-opakotasuna monitorizatzen ditugu eskala handiko kalorimetria-kanpai batean, thermal runaway fenomenoaren portaera baldintza errealistetan ulertu eta aurreikusi ahal izateko.
Bateria-inguratzaileek suaren aurrean duten erresistentzia ere funtsezkoa da ibilgailu elektrikoen segurtasunerako: proba zorrotzak egiten ditugu bateria-inguratzaileek agertoki desberdinetan sua jasateko duten gaitasuna ebaluatzeko.
Modelatze- eta simulazio-teknika aurreratuak erabiltzen ditugu, hala nola sutearen bilakaeraren simulazio fluidodinamikoa (CFD) eta elementu finituen bidezko simulazio termomekanikoa (FEM). Helburua emaitzak material-eskalatik produktu-eskalara estrapolatzea da, eta ibilgailu elektrikoen baterietan suak duen portaera hobeto ulertzea.
Ibilgailu elektrikoen baterien arloan suteen aurkako segurtasunarekin eta berrikuntzarekin dugun konpromisoak puntako soluzio teknikoak eskaintzen dizkigu eta segurtasuna bermatzen laguntzen digu halako gailuak erabiltzean.
