“Industriako berrikuntza teknologikoaren egungo ereduaren joerak eta aukerak ulertzen laguntzen dizugu, bi zatitan prestatutako aukera-aukerako liburu elektroniko batean”
“Industria adimendun berrirako gako estrategikoak” liburu elektronikoa atera dugu, gure barne-adituen, bezeroen eta kolaboratzaileen balio handiko ekarpenekin.
Iraganean ezagutu dugun industria-eredua amaitu da. Ekonomiaren eta lehiakortasunaren testuinguru orokorra askoz ere konplexuago bihurtu da, eta, ondorioz, kontuan hartu beharreko faktore berriak agertu dira.
Industria adimendunak berrikuntza-eredu eta joera teknologiko berriak batzen ditu, hala nola digitalizazioa, automatizazioa eta jasangarritasuna; filosofia hori beren enpresa-estrategian txertatzen duten enpresen lehiakortasuna bultzatuko dute eredu eta joera horiek.
Zergatik sortu da “Industria adimendun berrirako gako estrategikoak” liburu elektronikoa?
Testuingurua askoz konplexuagoa da, eta faktore berriak agerrarazi ditu. Horren guztiaren eraginez, ziurgabetasun handiko uneak bizi ditu industriak. Digitalizazioa, automatizazioa, jasangarritasuna, zibersegurtasuna… gai horiek askoz ere eraldaketa sakonago baten aterkiak dira, eta enpresen lehiatzeko moduari eragiten diote.
TECNALIAn hamarkada bat baino gehiago daramagu industria adimendunerako irtenbideak garatzen. Hainbat sektoretako 9.500 enpresarekin baino gehiagorekin aritu gara lankidetzan, eta lagundu diegu beren berrikuntza-ildoak eta ondorengo gauzatze-planak azkar ezartzen. Harreman horien, zentro teknologiko gisa dugun eskarmentuaren eta industrian argitu behar ditugun zalantzak sakonki aztertzearen emaitza gisa, “Industria adimendun berrirako gako estrategikoak” liburu elektronikoa sortu da.
Nola lortu liburu elektroniko estrategikoa
Edukiaren garrantzi handiagatik, bi zatitan banatu dugu liburu elektronikoa; hala, lehenengoa eskuratu eta deskargatu ahal izango da, eta, handik egun batzuetara, bigarren zatia jaso.
Lehenengo zatia lortzeko, “Industria adimendun berrirako gako estrategikoak” liburu elektronikoaren orrian dagoen formulariora sartu besterik ez da behar. Prozesuak helburu hau du: informazioa aztertu eta lasai hausnartu ahal izatea da, eta, egun batzuen buruan, bigarren zatia jasotzea. Horrekin guztiarekin, bi alderdi uztartzen ditugu: batetik, industria-enpresa baten enpresa-estrategian aplikatzeko eduki baliotsuak eta, bestetik bezeroen eta laguntzaileen ekarpenak hala nola AFM Cluster for Advanced and Digital Manufacturing, Atlas Tecnológico eta VISCOFAN taldea.
TECNALIAk irtenbide teknologikoak hurbildu nahi dizkizu, zure zalantzak argitzeko eta zure negozioaren lehiakortasunean eragin positiboa izateko.
