“Ekipamendu eta proiektu elektrikoen ingurumen- eta ekonomia-azterketarako tresna prospektiboa"
Sare elektrikoaren eta haren osagaien diseinua optimizatzen dugu, kontsumo elektrikoaren ingurumen-inpaktua minimizatzeko
Hiru urtez, OPTIAM ekimenak sare elektrikoko proiektu eta ekipamenduen ingurumen-inpaktua murrizteko lan egin du, ekodiseinu-irizpideak sartuz eta erabakiak hartzeko prozesua digitalizatuz.
- Tresna prospektibo bat garatu da, gailu elektrikoak eta energia berriztagarrien sorkuntza-proiektuak ebaluatzen dituena (erdi-tentsiokoak, eta lotutako biltegiratzearekin).
- Gainera, euskal fabrikatzaileen sare elektrikoetarako bost ekipamendu berriren ekodiseinua egin da.
- Proiektu elektrikoak hedatzen dituzten fabrikatzaileen eta ingeniaritza-enpresen posizionamendua sendotzen lagundu du proiektuak.
Ekipamendu eta proiektu elektrikoen ebaluazio jasangarrirako tresnak
TECNALIAn aktiboki parte hartu dugu sare elektrikoetarako ekipamenduen ekonomia- eta ingurumen-ebaluazioko tresnak garatzen, eta energia metatzen duten energia berriztagarrien erdi-tentsioko sorkuntzako proiektuetan.
- Energia fotovoltaikoarekin, lehorreko energia eolikoarekin eta energia-metaketarekin lotutako proiektu handien analisi tekniko eta ekonomiko zehatza egiten dugu, garatu aurretik.
- Sistema korporatiboetatik informazioa erauzteko prozedurak ere sortu ditugu (inbentarioetatik eta CAD-prozesuetatik, kasurako), ingurumen-ebaluaziorako tresnak elikatzeko.
- Halaber, proiektuaren helburu diren ekipamenduen galera elektrikoen ebaluazioan parte hartu dugu. Elementu finituen simulazioen emaitzak saiakuntza fisiko errealekin baliozkotu ditugu.
Euskadiko sare adimendunen balio-kateko enpresen arteko lankidetza.
OPTIAMek garapen teknologikoa bultzatu du Euskadiko sare adimendunen balio-kateko enpresen arteko lankidetzaren bitartez. Lehiakortasuna indartzen duten eta trantsizio energetikoaren jasangarritasun-helburuei laguntzen dieten aurrerapenak lortu ditugu.
Ormazabalek koordinatu du proiektua, eta Ingeteam, Pronutec, Aclara-Hubbell, General Electric, Equipel eta IK Ingenieríak parte hartu dute. ZTBESeko hiru eragileen laguntza izan dute: TECNALIA, Ormazabal Corporate Technology eta Ingeteam R&D Europe,. BASQUENERGY klusterraren laguntza ere izan du, eta Eusko Jaurlaritzak diruz lagundu du, Hazitek programaren eta Europar Batasunaren FEDER funtsen bidez.