"Hidrogeno solidozko ekosistema, jasangarria eta lehiakorra, Europako Itun Berdearekin lerrokatua"
Clean Hydrogen Partnership erakundeak finantzatutako proiektuetako Espainiako erakunde nagusia da TECNALIA, Clean Hydrogen Partnership berak emandako datuen arabera.
Clean Hydrogen Partnership Europar Batasunaren aliantza publiko-pribatu bat da, eta hidrogeno garbiko teknologiakikertzea, garatzea eta frogatzea sustatzen du. Teknologia horien hedapena bizkortzea eta Europako klima-neutraltasunari laguntzea du helburu.
Ekimenak industria eta ikertzaileak biltzen ditu, eta hidrogenoaren inguruan ekosistema sendo eta berritzaile bat garatzeko Europako tresna nagusietako bat da.
Clean Hydrogen Partnershipeko sailkapena
Sailkapenaren arabera, Espainiako erakundeen artean, TECNALIAk du presentzia handiena Europako hidrogeno-proiektuetan. Postu horrek sendotu egiten du hidrogenoaren I+G+Baren Europako ekosistemako funtsezko eragile gisa duen zeregina.
- Hogei urte baino gehiago daramatza TECNALIAk hidrogenoaren teknologiak ikertzen eta garatzen. Lankidetza estua du industriarekin, berrikuntza, teknologia baliozkotzea eta soluzio aurreratuen industria-hedapena bizkortzeko helburuarekin.
- TECNALIAk zuzenean laguntzen die deskarbonizazioaren Europako helburuei, hidrogenoaren balio-kate osoko proiektuetan parte hartuz (ekoizpena, metaketa, banaketa eta industria- eta mugikortasun-aplikazioak).
Egun, ikerketa eta garapen teknologikoko bost ildo nagusi ditu: belaunaldi berriko elektrolizagailuak, hidrogenoaren segurtasuna, hidrogenoarekin kontaktuan dauden materialen iraunkortasuna eta bateragarritasuna, metaketa, eta erabilerak.
Hidrogenoak funtsezko zeregina izango du bai deskarbonizazioan bai industriaren lehiakortasunean. TECNALIAk bere konpromisoetako bat betetzen jarraitzen du: enpresei eta erakundeei laguntzen die hidrogeno-ekosistema sendo, jasangarri eta lehiakor bat eraikitzen. Ekosistema hori bat dator Europako Green Dealarekin eta epe luzeko industria-estrategiekin.