Kontagailu elektriko adimendunek erabiltzen dituzten komunikazio-protokoloa, datu-protokoloak eta elkarreragingarritasuna eta zibersegurtasuna eta kontagailuek neurgailuen direktibarekiko (MID) duten adostasuna ebaluatzeko prestatutako instalazioak.
Kokapena
Deskribapena
Laborategi honetan, banaketa-sare elektrikoko kontagailu elektriko adimendunak eta datu-kontzentragailuak ziurtatzeko saiakuntzak egiten ditugu. Halaber, laborategia alokatzen diegu beren garapenak egiaztatzeko kanpo-laborategi bat behar duten fabrikatzaileei.
MID eta EMC zuzentarauek eskatzen dituzten funtsezko betekizunen ebaluazioa egiten dugu, komunikazio- eta datu-protokoloen ziurtagiria, banaketa elektrikoko sareko ekipoen funtzionaltasunaren ebaluazioa eta elkarreragingarritasunaren, errendimenduaren eta zibersegurtasunaren ebaluazioa.
MID eta EMC direktiben eskakizunak ebaluatzeko, bateragarritasun elektromagnetikoko (EMC) laborategien, ingurune-saiakuntzetako laborategiaren eta segurtasun elektrikoko eta neurketa-ebaluaziorako instrumentazio espezifikoko laborategiaren instalazioak erabiltzen dira.
Komunikazio-protokoloak eta datu-protokoloak ziurtatzeko eta ekipamenduen ebaluazio funtzionala egiteko, neurrira egindako testing toolak garatu dira. Fabrikatzaileei eskaintzen zaizkie, produktuaren garapena bizkortzeko.
Laborategi hau jakinarazitako erakundea da neurketa-instrumentazioaren direktibari (MID) eta EMC direktibari dagokienez, PRIME Allianceren laborategi ofiziala da, DLMS UAren kanpo-laborategia eta nazioarteko zenbait konpainia elektrikoren laborategi ofiziala.
Nori zuzendua
- Kontagailu elektrikoen eta PRIME txipseten fabrikatzaileak
- Utilities
Akreditazioak eta aintzatespenak
Saiakuntza elektrikoetarako ENAC ILAC akreditazioa ISO 17025 arauaren arabera (espediente-zk.: 4/LE148)
Bateragarritasun elektromagnetikoari (EMC) buruzko 2014/30/UE Direktibarako erakunde jakinarazia
Iberdrolak aintzatetsitako laborategia DLMS protokoloko kontagailuen funtzionaltasuna ebaluatzeko
Naturgyk aintzatetsitako laborategia DLMS protokoloko kontagailuen funtzionaltasuna ebaluatzeko
EDP-k aintzatetsitako laborategia DLMS protokoloko kontagailuen funtzionaltasuna ebaluatzeko
Saudi Electricity Companyk aintzatetsitako laborategia DLMS protokoloko kontagailuen funtzionaltasuna ebaluatzeko
