IZPITEKek produktu fotovoltaiko multifuntzionalak diseinatu, garatu, fabrikatu eta salgai jartzen ditu, osagai estruktural arinetan integratuak eta gainazal konplexuetara moldatzen direnak, kostu lehiakorrean zure efizientzia energetikoa areagotzeko.
Izpiteken ekarpena
Izpitekek composite materialetan oinarritutako osagai fotovoltaiko erabat integragarriak diseinatzen eta fabrikatzen ditu. Horri esker, moldakortasun eta integrazio-maila handiagoak lortzen da, kostu eta efizientzia-maila berberarekin.
Hainbat funtzio dituzten produktuak eskaintzen dizkie bezeroei, material konposatuetan zelula fotovoltaikoak kapsulatzeko teknologia patentatuan oinarriturik, eta, hala, eguzki-energia fotovoltaikoaren potentzial guztia biltzea lortzen du.
Izpitekek darabiltzan aplikazioak dira, alde batetik, eraikinean integratutako fotovoltaikoak eta eguzki-instalazioak, eta, bestetik, mugikortasuna, hiri-inguruneak eta hiri-altzari jasangarriak.
Izpiteken produktuak
Oraingoz, Izpitekek honako produktu hauek eskaintzen ditu:
- InTile: Konponbide integratzailea da bizitegi-eraikinen, elementu arkitektonikoen, eraikin zibilen eta hiri-altzarien diseinurako, esaterako.
- InPlak: Konponbide integratzailea da eraikin industrial, azalera handiko saltoki, elementu arkitektoniko eta neurri handiagoko eraikin zibiletarako.
- InFlex: Konponbide integratzailea da ezaugarri eta forma arkitektoniko bereziak dituzten eraikinetarako, forma kurbatuetarako adibidez, zeinetan ohiko panelak ez baitira baliagarriak.
- InFilm: Konponbide biziki integratzailea gainazal horizontal edo bertikal zein kristalezko gainazaletarako.
MERKATU POTENTZIALA
Hona Izpitekek egungo merkatuan dituen abantaila nagusiak:
- Diseinuaren moldakortasuna
- Produktuaren erabateko osotasuna
- Arintasuna
- Eraginkortasun energetikoa
- Kostu lehiakorra
Merkatuan duen egoera
Izpitek 2021. urtean sortua da, BRANKA SOLUTIONS eta TECNALIAren arteko 10 urteko lankidetzaren emaitza, TECNALIA Ventures izeneko deep tech venture builderaren bitartez Izpitek sustatzen eta teknologia garatzen ibili baitira.
Balizko bezeroentzako informazioa
Eraketa-data: 2021
Fasea: Aurreindustrializazioa
Langileak: 1
Bulegoak: Zamudio-ES
Finantzaketa-errondak: 2
Bazkide-inbertsoreak: TECNALIA, Branka Solutions, SFK, Euskal Autonomia Erkidegoko Arrisku Kapitala Kudeatzeko Sozietatea