Aurten, fabrika sentitu egingo dugu, eta, horrez gain, pentsarazi egingo diogu, hizketan jarriko dugu, eta arazoa agertu baino lehen jardun dezan egingo dugu.
TECNALIA BIEMH 2026 bienalean: berrikuntza teknologikoa industrian
01
TECNALIA BIEMH 2026 bienalean
TECNALIAk Makina-Erremintaren Bienalean (BIEMH 2026) parte hartzen du, zenbait sektoretako enpresekin lankidetzan garatutako hogei erakustaldi teknologiko aurkezteko.
Erakustaldi horien bidez, ingeniaritzari, ekoizpenari eta intralogistikari aplikatutako soluzioak eskaini eta geure berritasun nagusietako batzuk aurkezten ditugu, alor hauetakoak: robotika, adimen artifiziala, soldadura eta fabrikazio aditibo autonomoa eta makina eta prozesu adimendunak. Helburua da industria-inguruneetara aplikatutako soluzio teknologikoak enpresei hurbiltzea.
02
Ingeniaritza, ekoizpena eta intralogistika TECNALIAren standean
Gure standeko guneak bereizi ditugu, industria-prozesuaren arlo ugaritan barrena ibiltzeko modua izan dezazun: ingeniaritzatik ekoizpenera eta intralogistikara. Haietan, adimen artifizialaren, robotikaren, automatizazioaren eta fabrikazioko teknologia aurreratuen aplikazio zehatzak ezagutu ahalko dituzu.
Ia 300 metro koadro hartu ditugu gure makina eta soluzioen prototipoak kokatzeko. Haien helburua industria eraldatzea da, erakundeen produktibitatea maximizatzeko eta lehiakortasunean zuzenki eragiten duten aurrezkiak sortzeko.
03
Enpresekin lankidetzan garatutako industria-berrikuntza
TECNALIAk BIEMH bienalean egingo dituen erakustaldiak honako industria-enpresa hauekin batera garatu dituen proiektuei lotuta daude: IBARMIA, Irizar Forge, AMETS, IDEABLE, ACEROS OLARRA, SmartPM, MTORRES, NICOLÁS CORREA, Astilleros Murueta eta ZEATZ, besteak beste.
Lankidetza horri esker, industria-ingurune zehatzetara eraman daitezke garapen teknologikoak, eta haien aplikazioa prozesu errealetan erakutsi.
BIEMH bienalaren edizio honetako berritasun bat. Ikerketa-fasean dagoen robot humanoide hau pertsonen eta roboten arteko lankidetza industria-ingurune dinamikoetan esploratzeko diseinatu da.
Erakusgailu horrek teleoperazio aurreratua eta errefortzu eta imitazio bidezko ikaskuntza-teknikak konbinatzen ditu. Gai da gizakien keinuak erreproduzitzeko, ingurunera egokitzeko eta zenbait logistika-zeregin egiteko, hala nola piezak manipulatzeko, egoerak gainbegiratzeko edo ikusizko intzidentziak detektatzeko.
Horrekin batera, sistema autonomoek materialen barne-garraioa kudeatzen dute, kokalekuak identifikatzen dituzte, eta ibilbideak optimizatzen dituzte denbora errealean.
Ekoizpen-gunean, TECNALIAk iWeld aurkezten du, soldadura eta fabrikazio aditibo autonomorako soluzio egokitzaile bat, soldadura-prozesuak automatizatzera eta haien produktibitatea areagotzera bideratua.
Sistemak eragiketa egokitzen du juntura eta piezen geometria desberdinetara, eta denbora errealean doitzen ditu soldaduraren ibilbide eta parametroak.
Berriro ekoizpen-gunean, makina-simulagailu baten bidez zenbait erabilera-kasu erakutsiko ditugu, kalitatea eta produktibitatea bermatzea xede harturik eragiketa bakoitzaren beharretara denbora errealean egokitzeko gai diren makina eta prozesuekin lotuak.
Ingeniaritza-gunean, planoak analizatzeko agente bat kokatu dugu, AA bisualean oinarritua. Soluzioak antzekoak diren planoak automatikoki identifikatu, kotak atera eta bista esanguratsuak detektatzen ditu.
Hura aplikatzeak aukera ematen du eskaintzak egitearekin eta prozesuak prestatzearekin lotutako denborak murriztu, sakabanatutako ezagutza teknikoa zentralizatu eta aurreko programazioak berrerabiltzeko.
04
The Proactive Factory BIEMH 2026 bienalean
BIEMH 2026 bienala da The Proactive Factory aurkezten dugun agertokia. Standeko erakustaldiek kontzeptu horrekin lotutako teknologia eta aplikazioetako batzuk ezagutzeko aukera ematen dute.
05
Elkarrizketa estrategikoak sektoreko enpresa liderrekin
Azokaren esparruan, The Proactive Factory Live egin genuen, erreferentziazko enpresekin hitz egin eta haien erronka-aukeretan sakontzeko aukera eman zigun topaketa-sorta bat. Elkarrizketa horietan, berretsi egin zen The Proactive Factoryk industriaren egungo erronken zuzeneko erantzun gisa duen garrantzia, baita hobekuntzak —produktibitatea, efizientzia eta jasangarritasuna areagotzen dutenak— sortzeko duen ahalmena ere.
Hitz egingo dugu?
Ezagutu BIEMH 2026 bienalean aurkeztutako soluzio guztiak
Ezagutu nola eragin dezaketen zure erakundean The Proactive Factoryk eta BIEMH bienalaren edizio honetan aurkezten ditugun garapenek.
