TECNALIA BIEMH 2026 bienalean: The Power of the Proactive Factory

Antzeko planoak aurkitzen dituen AA bat da, eta, horri esker, erabaki teknikoak bizkortzen dituena.

AMETSrekin batera garatutako soluzioa da. AMETS espezialista da erremintak eta doitasunezko tresnak mekanizatzen.

AA bisualean oinarritutako tresna bat da: antzeko planoak identifikatzen ditu, kotak automatikoki ateratzen ditu eta Vision-Languageko ereduen bidez bista garrantzitsuak detektatzen ditu.

Sortzen duen balioa

• Denborak murrizten ditu eskaintzak egiteko eta prozesuak prestatzeko lanetan.
• Lehenago egindako programak berrerabiltzeko aukera ematen du.
• Ezagutza sakabanatua zentralizatzen du, eta belaunaldien arteko erreleboa errazten.
• Trazabilitatea eta efizientzia eskaintzen ditu milaka planoko inguruneetan.

Fabrikan ikusmen-adimena bizirik mantentzen duen plataforma da.

IDEABLErekin batera garatutako soluzioa da, OLARRA ALTZAIRUEN erabilera-kasu baten oinarrituta.

Ikusmen-ereduen bizi-zikloaren kudeaketa zentralizatzen du tresnak: ereduak berrentrenatzen, eguneratzen, monitorizatzen eta txertatzen ditu, ikaskuntza sakoneko espezialisten beharrik gabe.

Sortzen duen balioa

• Fabrika moldakorra izan dadin ahalbidetzen du: benetako ekoizpenarekin batera eboluzionatzen du AAk.
• Materiala edo baldintzak aldatzearen ondorioz ereduak okerrera egitea saihesten du.
• AAren ezagutzarik gabeko teknikariak ahalduntzen ditu.
• AAren gaitasuna aberasten duten akats sintetikoak sortzen ditu

Gauzatu aurretik egoerak probatzen dituen fabrika birtuala da.

SmartPMrekin batera garatu da soluzio hori. Prozesu industrialen optimizazioan aditua da SmartPM.

Standean irudikatutako ingurunearen biki operatibo bat da. Makinen, AGVen, roboten eta pertsonen ereduak egiten ditu, eta horrek aukera ematen du erabakiak hartu aurretik sekuentziak planifikatzeko eta agertoki konplexuak simulatzeko.

Sortzen duen balioa

• Hobekuntzak ezartzeko kostuak murrizten ditu.
• Ingurune birtual seguru batean aldaketak baliozkotzeko aukera ematen du.
• Instalazioaren kontzientzia globala hobetzen du.

Simulazioa eta konpentsazioa makina doiagoak eta kontrolatuagoak izateko.

NICOLÁS CORREA, MTORRES eta IBARMIArekin batera garatutako soluzioa.

Diziplina anitzeko ikuspegia da, zeinaren biez makina-erremintaren doitasunari eragiten dioten deformazio termikoak ulertu, aurreikusi eta konpentsatu nahi baitira.

Sortzen duen balioa

• Makinetan sortzen den zehaztugabetasunen % 75ek jatorri termikoa du.
• Desbideratze kritikoak zuzentzeko aukera ematen du.
• Mekanizazioaren doitasuna areagotzen du.

Kontzeptutik balidaziora: ideiak prototipo erreal bihurtzen ditugu.

IBARMIArentzat garatutako soluzioa da. Mekanizazio-zentroen fabrikazioan erreferentzia da IBARMIA.

IBARMIAk, Makina-gama berri horri esker, C ardatza erabili beharrik gabe pieza erabat mekanizatzeko gai den soluzio lehiakor bat proposa diezaioke merkatuari.

Sortzen duen balioa

• Programazioa nabarmen sinplifikatzen du eta mekanizazio-prozesua optimizatzen du.
• Iraulketa-ahalmen handiagoa du.
• Ekoizpen-malgutasun eta -ahalmen handiagoa.
• Soluzio lehiakorra da, espezifikoa baita, orotariko tornu-fabrikatzaileen marken soluzioak ez bezala

AA horrek minutu gutxian proposatzen, ebaluatzen eta optimizatzen ditu diseinuak.

Tresna autonomo bat da, putz egiteko prozesuetarako aurreforma optimizatuak sortzeko gai dena, bai eta aurreformak simulazio fisiko bidez ebaluatzeko eta etorkizunik hoberena dutenak hautatzeko ere.

Sortzen duen balioa

• Diseinatze-denborak murrizten ditu.
• Ezagutza aditua atzematen du (hori giltzarria da belaunaldien arteko erreleborako).

Simulazio horrek aukera ematen du ebakitzen hasi aurretik engranajeen kalitatea ikusteko eta optimizatzeko.

IBARMIArekin batera garatutako soluzioa da. Mekanizazio-zentroen fabrikazioan erreferentzia da IBARMIA.

Simulazio aurreratua da, aukera ematen duena Skiving prozesua bistaratzeko, eta, horrela, mekanizazio-akatsek engranajeen azken kalitatean nola eragiten duten aztertzeko. Mekanizazio-akatsen artean, hauek aipa litezke: runout-a, erremintaren higadura, erremintaren eta piezaren arteko lerrokadura, piezaren distortsioak eta makinaren ardatzen desdoikuntzak.

Sortzen duen balioa

• Fabrikatu aurretik, prozesuaren fidagarritasuna areagotzen du.
• Murriztu egiten du eskaintzen arrisku teknikoa eta komertziala.
• Bizkortu egiten du erabakiak hartzeko prozesua bai bezeroentzat, bai fabrikatzaileentzat.
• Hobetu egiten du engranajearen azken kalitatea eta erraztu egiten du prozesua baliozkotzeko prozesua.

Konputazio kuantikoa, hiru dimentsioko paketatzearen arazoa konpontzeko

Soluzio hori Würthekin batera garatu dugu, Telefonicaren eskutik eta QCentroiden laguntzarekin. Industriako erabilera-kasu bat da, datu errealak erabiltzen dituena eta konputazio kuantikoa eta hibridoa (kuantikoa + klasikoa) aplikatzen dituena 3D Bin Packing deituriko erronka ebazteko: nola jarri artikuluak kutxetan eskaera bakoitzeko ahalik eta kutxa gutxien erabiltzeko, horri esker espazioaren aprobetxamendua hobetzeko eta efizientzia logistikoak murrizteko.

Ebazten duen erronka

Prestatzeko eta bidaltzeko eragiketak, honelako kasuetan:

• Milaka erreferentzia izatea (erremintak, finkapenak, kontsumigarriak).
• Gai irregularrak (torloju solteak + tamaina handiko zulagailuak eskaera berean).
• Enbalatzeari lotutako erabakiak, eragin zuzena dutenak kostuan, denboran, garraiatutako bolumenean eta jasangarritasunean.
• Sistema klasiko oso aurreratuak, baina egoera konbinatorio konplexuetan hobetzeko aukera ematen dutenak.

Soluzioa

• Eskari bakoitzeko, kutxen hautaketa eta artikuluen 3D antolaketa optimoa zehazten ditu.
• Erabilitako kutxak minimizatzen ditu eta garraiatutako airea murrizten du (hobeto betetzen dira kutxak).
• Eragiketarako egingarria den gomendio bat sortzen du:
  • kutxa gomendatua(k)
  • 3D banaketa
  • alternatibak, arauen arabera (hauskortasuna, lehentasuna, abiadura, sendotasuna)

Erabilera-kasu bat: Würth (datu errealak, ikuspegi industriala)

Proiektu horren helburua da eragiketa errealak sortzea, erreferentzia- eta formatu-aukera handia duten B2B eskaerak prestatzeko eta bidaltzeko.

Helburua: ebaluatzea ea algoritmo kuantiko eta hibrido berriek hobekuntza neurgarriak ahalbidetzen dituzten —eskariaren profil jakin batzuetan— ikuspegi heuristiko edo eskuzkoen aldean.

Garapenaren funtsezko partnerrak:

• Telefónica – Soluzioa garatzeko eta bultzatzeko funtsezko partnerra, hark zuzendu baitu erabilera-kasua industrializatzeko, integratzeko eta kasu hori jarduera errealean erabil daitekeen eredu batera eramateko bidea.
• Würth – Erabilera industrialeko kasua, datu errealak, balidazio operatiboa eta efizientzia- eta jasangarritasun-helburuak.
• TECNALIA – Konputazio kuantiko aplikatuan, erreferentziazko zentro teknologikoa; solver kuantiko eta hibridoen inplementazioa (D-Wave teknologia barne) eta ikerketa espezializatuko euskarria.
• QCentroid – Espainiako ekosistema kuantikoaren partnerra; garapena eta eskalatze-ikuspegian lagundu du.

Inpaktu potentziala (erabilera-kasuaren bidez baliozkotu beharreko erreklamazioak)

Eregiketen efizientzia:

• Eskaera bakoitzeko kutxa-kopurua murrizteko potentziala.
• Aprobetxamendu bolumetrikoa hobetzeko potentziala (hutsune gutxiago).

Logistika-kostuak:

• Enbalatzeko materialaren kostua murrizteko potentziala.
• Garraio-kostua murrizteko potentziala, hobeto trinkotuta (paleta/kamioi).

Abiadura eta kalitatea:

• Packingeko erabakietan sendotasuna areagotzeko potentziala.
• Paketatzea optimoa ez denean izaten diren atzera-aurrerak eta efizientziarik ezak murrizteko potentziala.

Jasangarritasuna:

• Kartoien eta betegarrien kontsumoa murrizteko eta bidalketari lotutako karbono-aztarna txikiagotzeko potentziala.

Ingurune konektatu bat da, fabrikazio-egoera errealak erreproduzitzen dituena, era horretan fabrika benetan proaktibo batek nola jokatzen duen erakusteko.

Ingurune horretan, makinak arazoak agertu aurretik ulertzen, interpretatzen eta jarduten du.

Makina-erremintaren erakusgailu horretan ikusi ahal izango duzu funtzio hauek betetzeko gai dela sistema:

• Piezen geometria ulertzea.
• Denbora errealeko ibilbideak egokitzea.
• Zure osasun-egoera zaintzea.
• Desbideratzeak automatikoki zuzentzea.
• Ahotsaren eta laguntzaile adimendunen bidez interakzioan aritzea.
• Fluxu koherente bakarrean konektatzen ditu mekanizazio-, konponketa-, mantentze- eta kontrol-eragiketak.

Fabrikazio kontzienteago, malguago eta kolaboratiboago bat gauzatzea da haren bidez: The Proactive Factory makina-erremintara eramana.

Ibilbidea neurtzeko eta doitzeko zikloa

IBARMIArekin batera garatutako soluzioa da. Mekanizazio-zentroen fabrikazioan erreferentzia da IBARMIA.

Piezaren dimentsioak eta makinan duen posizio erreala neurtzen eta kalkulatzen ditu; horrek ahalbidetzen du mekanizazioaren ibilbide erreala doitzea eta optimizatzea.

Sortzen duen balioa:

• Lanik gabeko iraganaldiak saihesten ditu, bai eta talkak ere.
• Prozesuaren fidagarritasuna handitzen du.
• Produktibitatea areagotzen du.
• Pieza behar den doitasunez ez jartzearen ondoriozko erroreak murrizten ditu.
• Errazagoa bilakatzen du urtzeko, forjatzeko eta/edo fabrikazio aditiboko prozesuetatik datozen piezen mekanizazioa.

Fabrikazio hibrido bidez, osagai kritiko metalikoak berreskuratzen edo funtzionalki hobetzen dira.

Metodologia horrek osagaien balio-bizitza luzatzen du.

Fabrikazio hibridoko teknologia (DED fabrikazio gehigarria + Mekanizazioa), ikuspen artifizialak eta CAMeko automatizazio-teknikek lagundua, osagai metalikoak berreskuratzeko edo haien propietate mekanikoak hobetzeko —interesatzen den eremuetan—, haien bizitza luzatze eta kostuak murrizte aldera.

Sortzen duen balioa:

• Hondakinak minimizatzen ditu.
• Karbono-aztarna murrizten laguntzen du.
• Ordezkatze- edo berreskuratze-kostuak murrizten ditu.
• Eragiketaren efizientzia handitzen du.
• Langileek ikastea errazten du.
• Operatzaile adituarekiko mendekotasuna murrizten du.

Makina-erremintarako ahots bidezko komandoak

Interakzio naturalaren bidez, makina pertsonari hurbiltzen zaio.

Ahozko agindu bidez egikaritzen ditu eragiketak, kontsulta daitezke egoerak eta doitu daitezke parametroak, betiere gizakiaren eta makinaren arteko interakzio sinplifikatu eta irisgarri baten bidez.

Sortzen duen balioa:

• Produktibitatea areagotzen du.
• Giza akatsak murrizten ditu.
• Lankidetza errazten du.
• Horri esker, irisgarriagoa da makina.

Bibrazioen kontrola makinetan eta fabrikazio-prozesuetan

Bibrazioen kontrola: Fabrikazio zehatz eta produktibo baterako gakoa

MTORRESekin batera garatutako soluzioa da. Prozesu industrialetarako soluzio berritzaileen erreferentzia da MTORRES.

Monitorizazio dinamikoa, ezegonkortasunei aurrea hartzeko, ibilbideen zehaztasuna bermatzeko eta pieza mekanizatuetan akatsak saihesteko.

Sortzen duen balioa:

• Fabrikatutako piezen kalitatea hobetzen du.
• Akats mekanikoen ondorioz planifikatu gabe egiten diren geldialdiak urritzen ditu.
• Makinen balio-bizitza luzatzen du.
• Errefusatze-kostuak minimizatzen ditu.

Plater zatitzailearen diagnostikoa

Kalitatea bermatzen duen ikuskapen adimenduna.

ZEATZekin batera garatutako soluzioa da. Plater zatitzaileen eta mahai birakarien neurrira egindako diseinuan espezialista da ZEATZ.

Plater zatitzailearen egoeraren analisi automatizatua, horri esker kalitatea, errendimendua eta iraunkortasuna ziurtatzeko.

Sortzen duen balioa:

• Eragiketa kritikoetan, akatsak saihesten ditu.
• Prozesuarekiko konfiantza handitzen du.
• Trazabilitatea hobetzen du.
• Egiaztatze-denborak murrizten ditu.
• Makinen akatsak eta ustekabeko geldialdiak prebenitzen ditu.

Makinaren osasun-egoera (Fingerprint)

Makina une bakoitzean nola dagoen erakusten duen aztarna digitala da.

IBARMIA, NICOLAS CORREA eta SHUTON makina-erremintako erreferentziekin batera garatutako soluzioa da.

Anomaliak identifikatzeko eta akatsak prebenitzeko, arteko etengabeko konparazioa egiten du portaera errealaren eta erreferentziaren artean.

Sortzen duen balioa:

• Akatsak gertatu aurretik aurreikusten ditu.
• Makinaren erabilgarritasuna handitzen du.
• Mantentze-kostuak murrizten ditu.
• Eragiketaren efizientzia handitzen du.

Erremintak kudeatzeko sistema

Erremintaren eta pieza bakoitzaren kalitate-kontrola egiten du.

Erreminten benetako erabilera monitorizatzen duen sistema bat da, prozesu-parametroak elkarren artean konektatzen dituena eta ziurtatzen duena eragiketa bakoitza kondizio ezin hobeetan egiten dela.

Sortzen duen balioa:

• Azken piezaren kalitatea bermatzen du.
• Erremintaren balio-bizitza luzatzen du.
• Langilearentzat ikusgaitzak diren desbideratzeak saihesten ditu.
• Prozesu kritikoetan, trazabilitatea areagotzen du.

Soldadura adimenduna eta fabrikazio aditibo autonomoa

Soluzio aurreratu bat da, honako hauek konbinatzen dituena: hardware robotikoa, prozesuaren monitorizazio adimenduna eta software espezializatua. Interfaze grafiko pertsonalizatua du, eragiketa bakoitzera egokitua. Parametroak denbora errealean doitzen dituen sistema bat du. Eta, halaber, AA bat du, soldadura eta fabrikazio aditiboa gidatzen dituena, aldez aurreko esperientziaren beharrik gabe.

Sortzen duen balioa:

• Txertatutako AAk programazioa errazten du.
• Doitasuna eta efizientzia handitzen ditu.
• Adituak ez direnek ere erabil dezakete.
• Pieza konplexuen ekoizpena sinplifikatzen du.

Ikusi bideo honetan nola ari diren ekoizteko modua eraldatzen soldadura adimenduna eta fabrikazio aditibo autonomoa.

Robotika, sentsorizazio aurreratua eta konektibitate industriala konbinatzen dituen sistema adimenduna da.

Bateriak eta ekipamendu konplexuak desmuntatzea automatizatzeko diseinatua dago.
Ekonomia zirkularrerako trantsiziorako soluzio seguru, malgu eta eraginkorra da.

Sortzen duen balioa:

• Bateriak desmuntatzeko eta/edo birziklatzeko lineak azkar birkonfiguratzeko aukera ematen du.
• Gizakien eta roboten arteko lankidetza errazten du, eta, bateriak manipulatzean, langilearen arriskuak murrizten ditu.
• Automatikoki egokitzen da bateria-modelora eta bateriak iristean duen egoerara.
• Baliabideen birziklatze-prozesua eta balioa handitzea bizkortzen ditu.

Ikusi bideo honetan sistema adimendun horrek nola optimizatzen duen bateriak desmuntatzeko prozesua; era horretan, ekonomia zirkularra bultzatzen da.

Robot humanoide bat da, lanak modu autonomoan egiten ikasten duena, reinforcement learning (RL) eta imitation learning (IL) tekniken bidez.

Giza keinuak egiten ditu eta pertsonekin lan eginez ikasten du; mugimenduak ingurunera egokitzen ditu; eta ohiko robot baten gaitasunetatik haragoko zeregin logistikoak gauzatzen ditu.

Gestampek ikerketarako hornitu dituen tresna eta edukiontzi errealekin egindako integrazioari esker, honako hauek egiteko gai da humanoidea:

• Pieza konplexuak doitasunez manipulatzea eta lineari dagozkion elementu logistikoak manipulatzea.
• AGVarekin lankidetzan aritzea, jasotako piezen entrega eta bilketa koordinatuz.
• Portaera instalazioaren fluxu errealaren arabera doitzea.

Sortzen duen balioa:

• Talentu areagotua lortzen du: pertsona bakoitzak bere inpaktua biderkatzen du efizientziari eta produktibitateari dagokienez.
• Pieza-mota ezberdinak manipulatzen ditu, ingurune konplexuetan lan egiteko behar den trebetasunarekin, eta, horrela, zeregin errepikakorretan laguntza ematen die pertsonei.
• AGVarekin modu seguruan interakzionatzen du: ibilgailu autonomoarekin sinkronian, zamak biltzen eta uzten ditu.
• Fluxu intralogistikoan gorabehera bisualak, ezohiko kondizioak eta egoera okerrak detektatzen ditu.
• Moldakortasuna ematen du: zereginak egokitzen ditu, aldaketak ikasten ditu eta indarra, zehaztasuna eta pertzepzioa funtsezkoak diren prozesuetan txeratzen da.

TrebezIArekin batera garatutako soluzioa da. Enpresa hori aditua da eragiketa intralogistiko konplexuak automatizatzeko robotika mugikor adimendunean.

Robot autonomo horrek AA, pertzepzio aurreratua, nabigazioa eta manipulazioa konbinatzen ditu, espazio dinamiko eta ez-egituratuetan segurtasunez jarduteko.

Sortzen duen balioa:

• Intralogistikako prozesu konplexuak automatizatzen ditu.
• Arintasuna eta eraginkortasuna areagotzen ditu eskaerak prestatzeko, kargatzeko eta deskargatzeko lanetan, besteak beste.
• Espazio bizietan modu autonomoan jarduten du, pertsonekin eta beste robot batzuekin batera.
• Arin konektatzen du barne-mugikortasuneko ekosistemarekin.

TECNALIAren #InnovativeAirMobility laborategiarekin batera garatutako soluzioa.

Norabide orotako aireko robot bat da, iristeko zailak, arriskutsuak edo pertsonentzat irisgaitzak diren eremuetan ikuskatze- eta mantentze-lan industrialak egiteko diseinatua.

Sortzen duen balioa:

• Eremu konplexuetan sartzen da: altuera handikoak, andelen barnealdeak, egitura energetikoak, aeronautikoak, itsasokoak edo petrokimikoak.
• Lan-arriskua izugarri murrizten du; izan ere, altuera handian lanak egitea eta ingurune kaltegarrietan eskuz manipulatu behar izatea ekiditen du.
• Geldialdi luzeak eta kostu handiak ezabatzen ditu; izan ere, aldamioak, garabiak edo plataforma jasotzaileak muntatu behar izatea saihesten du.
• Ikuskapen ultrasonikoak egiten ditu, aldamiorik eta garabirik gabe eta langileak arriskuan jarri gabe.
• Aktibo kritikoen mantentze prediktiboa errazten du.

Ikusi bideo honetan TECNALIAren norabide orotako aireko robotak nola optimizatzen dituen ikuskatze- eta mantentze-lan industrialak ingurune arriskutsuetan.

Barneko zirkulu logistikoa ixten duen ibilgailua.

Fabrikako puntuen artean materialak garraiatzen dituen ibilgailu autonomoa da, The Proactive Factory ekosisteman integratua.

Sortzen duen balioa:

• Materialen etengabeko fluxua ziurtatzen du.
• Lekualdatze-kostuak eta -denborak murrizten ditu.
• Eragiketaren efizientzia handitzen du.
• Fabrika barrutik konektatzen du, baita bezeroei lotutako kanpoko puntuekin edo beste prozesu batzuekin ere.
• Eragiketa logistikoetan duen moldakortasuna eta arintasuna ditu ezaugarri.