Power system-en arduraduna
Power systems
Trantsizio energetiko efizientea izateko soluzioak garatzen ditugu, sorkuntza, biltegiratze banatua eta ibilgailu elektrikoa sarean integratuz.
<p class="p1">Trantsizio energetikoa bultzatzen dugu, <a href="/estrategias-descarbonizacion-competitiva-economia-sociedad">karbonorik gabeko</a> energia-sistema deszentralizatu eta digitalizatua lortzeko. Horretarako, eskariaren malgutasunaren, sorkuntza berriztagarri banatuaren, mikrosareen, energia-komunitateen eta ibilgailu elektrikoa kargatzeko azpiegituraren energia-kudeaketa ezin hobea egiten dugu, horrek merkatu elektrikoetan eta sistema elektrikoaren operazioan izan dezakeen parte-hartzea kontuan hartuta.</p>
Gure gako-teknologiek hainbat auzi aurreikusten dituzte:
- Energia berriztagarriak, sorkuntza eta biltegiratze banatua eta ibilgailu elektrikoa sare elektrikoan integratzeak duen inpaktua ebaluatzea, offlineko eta denbora errealeko simulazio-inguruneen bidez (hardware-in-the-loop).
- Sorkuntza berriztagarri banatua oso sartua duten sare elektrikoetan tentsioa eta potentzia ezin hobeki kontrolatzeko algoritmoak garatzea.
- Mikrosare isolatuak edo sare elektrikora konektatuak zehaztea eta diseinatzea; haien kontrol-sistema garatzea.
- Agertoki desberdinetan eskariaren malgutasuna kalkulatzeko tresnak garatzea, merkatu elektrikoetan parte hartzeko eskaintzarik onenak sortuko dituztenak eta, ondoren, energia-baliabideak bideratuko dituztenak.
- Energia-kudeaketa optimoko sistemak zehaztea, diseinatzea eta garatzea prosumitzaileentzat, sorkuntza-instalazioentzat eta energia-komunitateentzat.
- Potentzia-bihurgailuen prototipoak garatzea: sorkuntza banatuaren eta biltegiratzearen interkonexioa sare elektrikoan, horniduraren kalitatea hobetzeko zerbitzuak hornitzea, itsas zabaleko parkeen interkonexioa HVDCn.
Gure teknologiei esker, soluzioak garatzen ditugu, trantsizio energetiko efizientea lortze aldera, hainbat bezero-motarentzat: zerbitzu publiko elektrikoak, ekipamendu-fabrikatzaileak, agregatzaileak, azpiegitura-kudeatzaileak eta zerbitzu-hornitzaileak.
Kanpo-aliatuak
Gaiarekin loturiko katalogoa
Sartu zientzia-dibulgazio, produktu, zerbitzu eta teknologia katalogoetan. Gure helburu nagusia ezagutza zientifikoa berrikuntza eta eragin ekonomiko eta soziala sortzen duten irtenbide teknologiko bihurtzea da.