Addilanek fabrikazio aditiboko sistemak diseinatu, ekoitzi eta merkaturatzen ditu, eta fabrikazio-alternatiba lehiakor bat eskaintzen die tamaina ertain-handiko balio erantsi handiko piezen kontsumitzaile eta fabrikatzaileei.
Zer egiten du Addilanek?
ADDILAN 2016. urtean sortu zen, makina-erremintaren sektoreko erreferentziazko bi enpresaren lankidetzari esker: MAHER Holding eta ONA Electroerosión.
WAAM (Wire Arc Additive Manufacturing) teknologiaz hornitutako ekarpen-tasa handiko makina aditiboak ekoizten eta merkaturatzen ditu Addilanek, balio erantsi handiko eta tamaina ertain-handiko osagaien merkaturako.
Prozesuaren garapenean, makinaren diseinuan eta karakterizazio mekanikoan dihardu nagusiki, eta askotariko materialak erabiltzen ditu, hala nola altzairua, titanio-aleazioak, superaleazioak eta aluminio-aleazioak. Gainera, Addilanen makinek begizta itxiko kontrola dute, eta zamalanetarako sistema berezi bat duen ganbera geldo bat. Horrek guztiak piezaren kalitatea bermatzen du fabrikazio-prozesuan.
Merkatu potentziala
Addilanen makina aditiboak balio erantsi handiko osagaien eta tamaina ertain-handiko osagaien merkatura bideratuta daude, zenbait industria-sektoretan: aeronautika, aeroespaziala, energia eta ontzigintza, besteak beste.
WAAM teknologiak abantaila nagusi hauek ditu merkatuan dauden beste teknologia aditibo batzuekin alderatuta:
- Ekarpen-tasa handiagoa.
- Tamaina handiagoko piezak eta aurreformak fabrikatzeko aukera.
Balizko bezeroentzako informazioa
Eratze-data: 2016
Fasea: merkaturatzea
Langileak: 6
Bulegoak: Durango – ES
Finantzaketa-errondak: 4
Bazkide-inbertsoreak: TECNALIA, MAHER Holding, ONA Electroerosión, Euskadiko Arrisku Kapitalaren Kudeaketa, Seed Capital Bizkaia